我懷疑金仔密謀同泡菜仔搞統一

無神論狂徒

條友好似命都唔要起勢搞核武。家下應該武功水平唔差。
南北韓似一個黑坐館一個白坐館，一個焗聽契爺話，一個唔洗，白坐館唔敢做嘅由黑坐館做。
他朝合一黑白二道玩哂。
搞統一嘅話，核武都係統一嘅籌碼。
家吓南北韓關係暖化。
會唔會係老中做嘢！

manw0ng

侯賽因無核武就真係命都無啦

das_reich

... 家嚇南北韓關係暖化。會唔會係老中做嘢！
無神論狂徒 發表於 27-1-2018 13:26

肥仔恩 肯伸手有機會是我國之故, 效果起碼是已有相暫停(軍演、放彈) 。 江湖

亦有傳聞, 一是 肥仔想用時間去換取繼續發展核武之空間及以此去離間 文佬與特

狼普,  二是肥仔怕 特狼普真的會去"移動"自己。 後者暫時機會是不大, 除非 老尾在

南韓、菊花蝗朝有撤僑之舉。

飛毛腿

費事再開一個新主題
橫掂係講泡菜國，就晌呢個主題順便講下

話說最近床破殺氣騰騰
擺出一副貿易大戰咁嘅款
佢話要向鋼鐵等鋁業開刀
床鋪攞枝槍出嚟向住老中
人人都以為呢次老中要中槍
因為老中係世上產鋼業大戶
老中一個國家生產嘅粗鋼超過世界產量一半
～ 話說當年老毛喊口號要超英趕美，講嘅就係產鋼量
～ 衡量工業國產能有幾大，有幾個指標，產鋼量係其中一個，發電量又係另一個

睇下二戰期間
日本產鋼量 ： 1940年 686萬噸   1943年 765萬噸
美國產鋼量 ： 1940年 6076萬噸  1943年 8059萬噸

打幾年仗就係拼消耗
咁懸殊嘅生產力，日本點可能唔輸俾老味 ？

飛毛腿

床破話要向鋼鐵業開槍
好多人都望住老中，心諗你仲唔捱老床幾槍
槍聲過後，幾聲慘叫，一班人應聲倒地
望真啲，倒地嘅人唔係老中
老中笑笑口，細細聲自言自語 ： 關我卵事   

睇下中槍嘅係咩人 ：

飛毛腿

其實老味嘅進口鋼材係以上 10大供應國
老中只係 第 11 位
話床破開槍只係搞下笑
目前老床只限於喊打喊殺，喊要徵收鋼材入口稅
暫時只限於打嘴炮

不過，泡菜佬已經心驚肉跳，嚇到三魂唔見七魄
以泡菜佬嘅出口規模
老味係佢哋嘅鋼鐵出口大戶
而且泡菜佬冇咩本錢同老味死撐
人為刀俎，我為魚肉，泡菜佬就係魚肉   

飛毛腿

今年一開年，北邊個肥仔金向南邊個兄弟放出善意
南邊泡菜國收到信息，積極回應
好快，借平昌冬季奧運會機會南北傾下計
好戲劇性咁， 北邊派代表團參加冬奧會
領隊係公主，已故金老二個女， 金三肥個妹
咁嘅領隊，地位夠高喇啩 ？

泡菜總統心領神會
冬奧會一結束， 即係派總統特使團回訪北邊
打鐵趁熱，否則夜長夢多，老味契爺諗咩毒計出嚟叉喎個氣氛

總統代表團同肥仔金傾得好融洽
肥仔金一向最叻係喊打喊殺，今次就好口甜，佢話我哋嘅核彈唔會掟去對付南邊自己兄弟嘅
甚至常規武器都唔係要對付自己兄弟
～ 有一幫人聽見咁講覺得好 「靱」 耳
～ 丟，你勒緊褲頭帶，飯冇得食都要造核彈，掟去老味度睇怕你冇本事
～ 掟去老中度你就即死，咁你仲掟得去邊 ？
～ 呢幫人就係以安倍晉三為首嘅匪幫


睇下，肥仔金擺國宴招呼南邊嘅特使團
肥仔做主人家，一國之君，笑得幾燦爛

飛毛腿

泡菜國小國寡民，領土細，資源少
經濟主要靠出口
能夠過上今日稱得上富裕日子
真係千年難得一遇嘅機會
泡菜國最擔憂嘅係戰亂
一有戰亂，泡菜佬嘅經濟活動就散哂
泡菜國經濟活動有 60% 以上集中晌首都圈
而首都圈就貼緊 38 線 ，一有戰火就含包散
幾十年建設就化為烏有
所以，和平日子對泡菜人好重要 （ 對任何其他人一樣重要，睇下敘利亞 ）

不過，泡菜人嘅命運從來都唔係掌握在自己手中
當年將朝鮮半島一分為二，係美蘇兩個晌地圖上畫一筆就搞掂
幾十年來老味以保護泡菜國嘅名義駐軍
今日，老味要圍堵老中，就晌老中週圍點火頭，搞到你永無寧日
而且，老中一向想將日丶韓拉埋一齊，組成一個中日韓自由貿易區
真係搞成呢個某易圈，經濟量驚人，1 加 1 嘅效益唔係等如 2 咁簡單
而老味就被邊緣化，影響力急劇下降
所以老味千方百計都要晌呢度撩是生非，有事冇事都去辣㷫肥仔金
東北亞劍拔弩張，肥仔金喊打喊殺，泡菜佬就離唔開老味契爺嘅保護

果然，肥仔金同南邊嘅兄弟特使團杯酒言歡
老味就拋出一個額外單邊制裁方案
理由係肥仔金使用化學武器
晌邊度用 ？ 馬來西亞 ！
就係舊年肥仔金個阿哥金正男晌馬來西亞被 VX 毒藥暗殺
肥仔金當日唔認死果個係金正男，更加唔會認係佢哋郁手
你認唔認都好，老味話喺你就係你
老味要嘅係一個藉口，話九之係唔係你做嘅

飛毛腿

曾幾何時，舊年床破剛就任坐入白宮
佢講過話唔排除會跟肥仔金見面
不過，一個係世界黑幫老大，一個係窮到冇飯開嘅小國
冇人會認為呢件事有實現可能，多數人當床破發噏瘋

去到七八月，肥仔金繼續放煙花燒大炮仗
床鋪就破口大罵，替肥仔咁起埋一堆花名 ，咩 sick puppy，rocket man
肥仔金就回罵床破係死老鬼
床破一聽話佢老鬼， 大怒回噴 ： 話我老， 我都未話你又肥又矮
肥仔金嘅官方喉舌回刁老床 ： 侮辱我哋最高領導人， 老床應該被判死刑
老床仲話佢同國務卿講， 跟呢條小矮人火箭佬會談係嘥時間
總之，兩國元首就好似街市婆罵街咁搞笑

飛毛腿

口水戰到今年初進入高潮
肥仔金所謂核試成功， 射火箭又成功咁話
佢躊躇滿志咁話 ： 我隨時可以射隻核彈去老味度，我辦公枱上就有核按鈕
半句話都唔肯蝕底嘅老床冷笑 ： 挑，我枱面夠有核按鈕， 仲大隻過你果隻， 威力強大過你

其他國家領袖聽到心煩氣躁
你滷味， 你哋唔好搵核戰爭當兒戲，攞核武器嚟嗌交好唔好呀
俄羅斯外交部長嘲笑佢哋 ： 好似幼稚園細路仔嗌交咁