飛毛腿

一向慣例，一提起造假數，港產含蝦燦傳霉梗係諗都唔駛諗就話 ： 係啦， 大陸公司吖嘛
其實日本大企業造假數嘅多如牛毛
就講出名嘅大企業 ： 東芝

2008年至 2014年
東芝一直虛報盈利達 1,562 億日元
即係報出嘅利潤有 30% 係虛報
明明冇咁多錢賺，報大數為乜 ？
大概係頂住股價，唔好俾股價冧檔
但冇咁多錢賺，造假數死頂，頂得幾耐 ？
真係唔知日本佬點諗，或者佢以為守得雲開見月明啩 ？

雲就唔見開嘞
東芝頂唔住，先將家庭電器部份賣俾大陸企業美的
然後將醫療設備部門賣俾 Canon
今年又話要將最皇牌嘅核心業務半導體業務賣盤
賣下賣下，東芝得返個殼
唔知佢哋仲有咩可以賣 ？

飛毛腿

上兩個星期
又一間日本機構被爆出造假數
呢間嘢唔係大企業，我哋未聽聞過
呢間係一個半官方機構叫 「日本商工組合中央金庫」
間嘢係日本政府同民間合組嘅政策性融資機構
向中小企業提供資金融資業務 － 即係借錢
而政府方面就向合資格嘅中小企業提供補貼
咁呢間金庫嘅人造假數，向唔合資格嘅中小企放水
另一方面呢 D 中小企就向政府呃補貼
據爆出嚟有 444 人涉及造假數 ～ 唔知佢哋點計得咁精準

anakin

Nikon 宣布關閉大陸部份相機廠
呢 D 廠主要係製造輕便數碼相機， 我哋以前叫做傻瓜機，大陸稱為卡片機
理由 ...
飛毛腿 發表於 2017-11-11 22:57

奧林巴斯後尾被Sony收購左，得以續命。
不過sony其實都唔係好得好多，除左電子游戲業務好d之外，其他都係吊命狀態，等爆咁款…

維圓阿伯

擦鞋仔死架仔甚麼PPP,甚麼膠鉄,甚麼IC半導体
揺頭擺尾跟尾狗实冇運行
今後一於叠埋心水
穩穩鎮鎮
發揮四仔無限創意
繼續做AV大國
人類賤男賤女之最
地球上無人會同佢地爭
阿伯实捧場:免費登撈

無神論狂徒

據聞老倭小電影產業唔好得去邊。太多老翻。啲靚爆淫賤大波妹都係賤價拍片。同個白領唔差幾多。

飛毛腿

奧林巴斯後尾被Sony收購左，得以續命。
不過sony其實都唔係好得好多，除左電子游戲業務好d之外，其他都係 ...
anakin 發表於 2017-11-12 12:28 AM

原來 sony 去接棍
當年 Olympus 爆鑊後，後續發展我冇留意
只以為佢摺埋相機部門

由此可以睇到 Sony 其實都冇乜眼光，對市場變化冇乜敏銳觀察力
就正如其他日本佬， 70～80年代時來風送滕王閣，如日方中
啲人吹到日本佬幾咁威猛， Sony 就係其中之一
Sony 憑一個 walkman 顛覆傳統嘅聽音樂聽歌方式，可以去到邊聽到邊
跟住推出錄影機， 可以將電視節目錄低慢慢睇
果時 Sony 真係王者氣概，亦顯示 Sony 老細盛田昭夫不可一世，目中無人
Sony 自己嘅錄影機用 beta 錄影帶，所有其他牌子用 VHS
Sony 以為自己皇帝女唔憂嫁， 一起你跟我嘅 beta 系統，一係唔好用 sony 錄影機
後來進入數碼化年代又係咁
Sony 嘅記憶卡自創乜叉 memory stick， 同人哋嘅 SD 卡唔同
要人哋跟佢嘅標準，一係唔好用 sony 數碼產品
～ 不過，到後來都謝咗， 要兼容人哋嘅 SD 卡
進入手提電話年代，人哋大部份用 GSM 制式
日本佬就堅持自己嘅 PHS 制式，佢哋都唔諗下自己個市場有幾大
要全世界嘅人跟你個制式 ？

所以，日本佬自以為是，固步自封
大紅大紫，順風順水果時有咩缺點都掩蓋咗
當揼逆境果時就陸續爆出嚟，好似家下咁

飛毛腿

Sony 輝煌嘅 80年代
老細盛田昭夫鬆毛鬆翼，於是同極右翼嘅石原慎太郎合作寫咗本書，叫 「日本可以說不」
對邊個說不 ？ 咪就係對老味契爺說不囉
老味舉起巨靈之掌，一掌拍落去，拍到日本佬標屎， 說不吖嗱
於是日本佬失去的 10年， 再失多 10年， 又再失 10年 。。。。。

好似呢鑊接 Olympus 個爛攤子
唔知 盛田昭夫真係咁冇眼光，定係另有苦衷
做一個咁失敗嘅決策
Olympus 相機一向只係走中檔路線
即係今日 Nikon 要投降認輸嘅產品同樣檔次
2011年 之前， Nokia 已經加強手機嘅影相攝錄功能，如推出咩 N75丶N95
而蘋果已經去到 iPhone 4
唔知點解日本佬好似仲未意識到手機拍照攝錄功能要取代傻瓜機嘅趨勢已經好明顯
我哋一般外行人就只識馬後炮
但佢哋日本大孖沙行內頂尖巨頭竟然咁冇預見力
不過，唔只係日本佬
曾經嘅巨無霸 柯達，就係無視數碼攝影年代嘅來臨
曾經巨無霸嘅 Nokia ，死守自己嘅操作系統，未能跟上智能電話年代。。。

睇怕 Sony 都係未能預見智能電話嘅拍照攝錄功能
所以硬膠膠買檔 Olympus 爛攤子返嚟

anakin

Olympus既相機業務並唔出色，但佢總算係有自家光學技術研究既企業，仍有值錢既地方，其中比較突出既係醫學儀器同光學研究既專利。
sony既相機業務，其實可以話係買返黎，當年買起萬能達去發展自家既鏡頭群，之所以買起o記，九成係為左自己既相機業務發展，係近兩年sony新發表既單鏡或者無反相機，就大量使用o記既獨門防震技術。

無神論狂徒

索尼啲貨質量係比三叔好。三叔我好多朋友都話唔掂。
所以我黑名單咗三叔手機。我有血淚史㗎。我第一部智能手機係索尼，用咗兩年出現粗長死點。後來死點多到痴線，百幾個死點，頂唔順，轉大名頂頂嘅三叔。四千蚊㗎，用咗年半，有晚關機長瞓不起。四千如煙。
把心一橫，轉用蘋果手機。好狠貴，近七千一部，但我十年前左右ipad仲好好用，你三叔四千用年半，八千用三年。計落用蘋果有數

無神論狂徒

最後果部三叔我拎去整收我二千幾。話芒燒咗底版燒乜柒都燒。一晚前好地地，一晚後乜叉燒哂，即係質量差仲累到我冇哂相同電話。
蘋果貴買平用，功能勁。點講都值得過底唔過面。