免費論壇 繁體 | 簡體
Sclub交友聊天~加入聊天室當版主
分享
返回列表 發帖

八一建軍節 ~ 共軍的建立

上星期,8月 1日,係解放軍嘅建軍節
今年係解放軍 (最初唔係叫解放軍)建軍 90周年
建軍節即係解放軍成立嘅日子

辛亥革命雖然推翻滿清帝制
但中國各地只係由滿清政權變成軍閥割據
孫中山辭去臨時大總統職位,讓俾袁世凱
但袁世凱唔滿足做咩大總統,一心要做皇帝
1912年,同盟會改組成國民黨,老孫任理事長
1913年,國民黨代理事長宋教仁被暗殺,老孫認為係袁世凱所為
於是號召起兵討伐袁世凱,稱之為二次革命
二次革命失敗,老孫逃亡去日本

1917年,北洋軍閥段祺瑞解散國會,廢除臨時約法  (憲法雛形 )
老孫返國,聯合西南地區軍閥,晌廣州建立軍政府
老孫被推舉為大元帥,號召起兵進行護法戰爭
但老孫只係無兵司令,各軍閥擁兵自重,政客各懷鬼胎
於是護法戰爭又失敗

老孫覺得自己做鬼都唔靈,失敗完一次又一次
梗係有 D 地方唔妥,左思右想,點先可以革命徹底成功,建立理想嘅中國 ?

1917年俄國革命成功,第二年老孫致電祝賀列寧
1920年開始,老孫跟俄共人士接觸
而在國內,多次跟軍閥合作,都係不歡而散
老孫開始認識到,好多軍閥背後都有唔同列強勢力支持
指意歐日列強援助自己,無疑係緣木求魚
於是老孫轉而將希望寄託晌同樣革命起家嘅俄共
咁就奠定老孫嘅聯俄容共政策

要革命, 靠軍閥證明係靠唔住,唯一可靠就係自己建立嫡系武裝部隊
晌俄共嘅幫助,老孫開設廣州黃埔軍校,培訓自己嘅軍官,建立自己嘅武裝部隊
黃埔軍校招收各地學生,同時容納共產黨員
校長就委任蔣介石,周恩來做政治主任,有 D 教官係共產黨人
呢個就係國共合作

本帖最後由 飛毛腿 於 2017-8-7 08:47 編輯

1925年,老孫病逝
佢嘅遺言其中一句係 : 革命尚未成功,同志還需努力

老孫過世,蔣校長運用佢高超嘅權謀手段
攏絡刮民黨嘅右派人士,打壓刮民黨左派人士  ,排斥共黨
1926年,老蔣成功地將刮民黨嘅軍丶政丶黨大權獨攬於一身
對外,老蔣獲得歐日列強支持,要將共黨排除出權力圈子外
不過,老蔣立意要將共黨完全剷除消滅,化為灰燼

獨攬大權,北上剿滅各路軍閥進展理想
老蔣認為各方面條件已成熟,對自己有利,老蔣加速清黨滅共大計
~ 清黨,因為孫中山年代容許共黨人同時加入刮民黨,亦有部份刮民黨人思想偏左
~ 咁就要將呢種人消滅
1927年 4月,終於郁手屠殺共產黨人
短短幾個月,六萬幾個共產黨人死嘅死,踎監嘅踎監,逃亡嘅逃亡
最後得返 一萬人都唔夠

老蔣班刮民黨人誓要將共產黨完全消滅
共產黨人一係坐以待斃,一係逃亡國外
一係反擊 !
要搞革命,你就預咗人頭落地,不成功便成仁
就算成功,都要經過血流成河,屍積如山嘅殘酷鬥爭
呢一點,堅定要搞革命嘅人係完全清楚明白
係囉喎,你以為好似鄉港班狗 high 含蝦燦咁天真白痴
認為上街吠幾聲,瞓馬路佔中,玩乜七普選就可以革命成功坐江山

當時,共黨人能夠掌握嘅軍隊主要集中於武漢至江西九江沿長江一帶
而刮民黨轄下嘅國民革命軍第3軍軍官教育團團長兼南昌市公安局局長,就係共產黨人朱德
於是共黨中央派周恩來去江西南昌領導軍隊起義 ( 即係掉轉槍頭 )
共黨人賀龍被指派為起義軍代總指揮,葉挺為前敵總指揮
周恩來被委任前敵委員會書記
~ 呢幾個人後來都係赫赫有名嘅大人物

TOP

當時,南昌人口有 10萬人左右
城內守軍及近郊駐軍係國民革命軍第五方面軍警備團,總人數約一萬人多 D
而共產黨能夠調動起義嘅軍隊約 二萬人, 人數佔優
點樣協調部署裏應外合,曾經走漏風聲面臨放棄行動決擇,最後決定起義等嘅細節就忽略唔講嘞

效忠刮民黨嘅守軍,同跟隨共黨起義嘅其實係同樣嘅國民革命軍
相同嘅軍服,相同嘅裝備,起義軍就晌頸度戴上一條紅巾,以資識別
幾經波折,終於按計劃於8 月 1日 凌晨 2:00 向南昌守軍發動進攻
戰鬥四小時,起義軍殲滅守軍,繳獲 5,000 枝步槍,一百萬發子彈,幾門大炮
起義軍全勝,佔領南昌市

第二日 ( 8月 1日)早上,南昌市人生活如常,店舖開門營業
好多人唔知道昨晚凌晨發生嘅事
只係見到市面插滿紅旗,通街標語
呢個就係中共歷史上有名又重要嘅 「南昌起義」


附件: 您需要登錄才可以下載或查看附件。沒有帳號?註冊

TOP

請繼續,1911年到1949年,歷史好像空白,教科書無?

TOP

謝謝。

TOP

2011年西方插手支持利比亞反政府武裝
然後老味帶頭,法蘭佬仆到去幫手狂轟利比亞本來嘅卡達菲政權
卡達菲歸西,政權倒台
利比亞人本來嘅好日子完結,陷入各方勢力混戰
最後汰弱留強,留下兩幫勢力
最先由西方支持嘅班加西反對派勢力進佔首都的黎波里
恢復國民議會,推舉新政府
不過,另一幫勢力佔領東部地區,自己搞出一個新國民大會
新國民大會推舉出新政府
於是利比亞就出現兩個議會,兩個政府

呢種局面,就係 100年前中國嘅局面 ~ 甚至衰得多
推翻滿清政權後,話就話建立民國政府
袁世凱擁兵鎮守北京丶天津 ,被稱為北洋政府
孫中山帶領國民黨鎮守廣州,稱為廣州軍政府 ( 革命政府)
就算北洋政府裏面都分各種山頭派系
更唔好講北洋政府勢力范圍以外
各省都有大大小小各種軍閥佔地為王
例如四川有川軍,廣西有桂系軍
~ 舊桂系軍閥係陸榮廷, 就係陸榮廷睇相,唔衰攞嚟衰果個  
~ 陸榮廷衰咗,崛起嘅係李宗仁同白崇禧

老蔣說服/收買一批軍閥合作,羽翼稍豐,黃埔軍校嘅學生亦有一批畢業
咁老蔣可以組織自己嘅軍隊向外發展,以國民革命軍名義出師統一全國
呢個行動稱為北伐戰爭
北伐戰爭尚算順利,一路攻克長沙丶江西丶福建丶武漢丶南京丶上海等
北伐所過之處,舊有地方勢力被打敗
但國民革命軍繼續向北推進,無乜餘力去管理地方治安
得別係大城市以外嘅鄉鎮
於是農民武裝盤踞各鄉村,亦有佔山為王嘅土匪
有 D 地方大地主丶土豪為求自保,亦出錢組織私人武裝保衛自己
咁就無數大大小小武裝團伙盤踞各地
各團伙為咗利益爭地盤,不斷火拼
總之就係無政府狀態,有槍有人可以做地頭蛇

TOP

本帖最後由 飛毛腿 於 2017-8-9 22:06 編輯

老蔣北伐打到武漢上海南京等地
就發動清黨滅共行動
當時廣州國民政府遷去武漢,一部份人不滿老蔣清黨滅共
武漢嘅國民政府領袖係汪精衛 ~ 佢唔係特別傾向共黨,只係同老蔣權力鬥爭嘅藉口
老蔣就指責武漢國民政府受共黨控制,於是另立國民政府於南京
~ 就好似今日利比亞咁,兩個政府

武漢宣佈將老蔣開除出國民黨,並計劃派兵征討南京
因為共黨俾老蔣屠殺打壓,共黨決定改變策略,發展自己
蘇聯做大佬嘅共產國際亦決定中國嘅共黨要成立自己嘅工農軍隊
並要徹底進行土地改革
咁就侵犯到好多國民黨人嘅利益,不少國民黨軍官感到不滿
汪精衛開始轉軚,決定支持南京國民黨
佢效法老蔣一樣清黨,取締共黨
於是武漢同南京復合,跟共黨決裂
共黨史稱呢件事為 寧漢合流 ~ 寧,即係清朝時江寧府,民國時改為南京

TOP

真精彩,卡達菲咁聽話,又無發展核武,点解要推翻他?

TOP

https://www.youtube.com/watch?v=_SIlHptiWYU


Youtube有全套「建黨偉業」
兩年前上畫有劉德華果套。

TOP

回復 9# 無神論狂徒

你呢套係「建國」大業,唔係建黨
我要講係「建軍」  

TOP

返回列表