免費論壇 繁體 | 簡體
Sclub交友聊天~加入聊天室當版主
分享
返回列表 發帖

神油谷上腦

呢個 7月初,大陸有一單外交新聞熱炒
就係中國跟不丹邊界地區,中方邊界內嘅地區叫洞朗地區
月初,老中突然熱炒一件邊界糾紛,話有一批神油國士兵越界走入嚟
呢批神油國士兵,有部份配備輕武器,有部份手無吋鐵
就算配備輕武器,都係孭住枝槍,槍口向下,表示毫無威脅性

網上有短片,唔知係老中定神油國放出嚟,老中派士兵將(可能係)神油兵建嘅碉堡拆除
~ 碉堡就係一堆石頭堆起嚟做掩護,士兵可以晌石堆後面開火射擊
下圖就係一D 最簡陋嘅碉堡
另一段片就係解放軍同神油兵互相推撞
不過,神油兵舉起雙手,只係用身體碰撞,好似前年班港獨咁舉起雙手跟警察碰撞
另一段片係雙方人馬互噴,自己一方手繞手成人鏈,人鏈對人鏈,雙方對峙互罵
不過,神油英文同老中英文互刁,比雞同鴨講好少少而已


附件: 您需要登錄才可以下載或查看附件。沒有帳號?註冊

老中外交部出示圖片
指責神油兵越界生事
神奇嘅係,呢個邊境區域係中國同不丹嘅邊境,跟神油國無關

而且洞朗地區一向都由中方實際控制
雖然自 1980年開始,中國同不丹談判邊界劃分達 24次,雙方仍然未正式劃分邊界
不丹呢個小國,人口得 90萬
對於洞朗呢種偏遠地區,仲係處於高原地帶
不丹既冇能力去駐軍,亦冇能力去開發,冇興趣去爭奪呢種荒山野嶺
之所以唔同中國去達成邊界劃定協議,因為神油國唔准佢哋咁做
神油國視不丹係自己嘅殖民地,全面操控不丹
睇怕最終目的就係吞併不丹
好似吞併錫金王國咁




附件: 您需要登錄才可以下載或查看附件。沒有帳號?註冊

TOP

神油國有 13億人,但有一半人口冇廁所用
神油國有相對獨立能力嘅女人,揀老公嘅條件之一就係要有自己嘅廁所
呢任嘅神油總理無敵老仙誇下海口,話四年內要令每家人都有廁所
舊年,無敵老仙興奮咁慶祝 兩年內全國已經建成 2,000 萬個廁所
你咪睇神油國鳩流流,擁有廁所都成為人生奮鬥目標之一
但神油國精英階層絕對有大國雄心,要做世界強國,南亞霸主
~ 丫鬟嘅命,千金小姐嘅心   




講返今次邊境糾紛
老中同不丹邊界問題,關你神油國卵事 ?
神油國話要替不丹出頭,要維護不丹嘅利益
荒謬嘅係今次神油佬派兵去洞朗地區,事前不丹唔知情
呢個糾紛搞咗成個月有多
不丹絕大部份時間都唔出聲,好似唔關佢事咁
而神油國真係認為唔關你事,你企埋一邊


( 未完 )
附件: 您需要登錄才可以下載或查看附件。沒有帳號?註冊

TOP

洞朗地區好似一隻木榫插咗入錫金同不丹之間
晌個平面地圖睇,唔覺有咩特別
大家會以為所謂邊界,就好似搭港鐵去到羅湖落車,過關就係深圳咁簡單
但用衛星鳥瞰圖睇,你就發現洞朗晌一堆崇山峻嶺上有個較為平坦嘅小草原
~ 呢個崇山峻嶺就係喜馬拉雅山山脈
果一忽地勢較平嘅高原,有十幾個小湖泊,有三十個小草原
其中較大嘅就叫洞朗草原
有水有草,無污染,高山草質優良
每年夏季,西藏嘅牧民就帶 D 牛去草原放牧

而神油國由錫金去地圖右邊 ( 神油國東北角 )唯一通道叫做西里古里走廊
如果老中駐重兵把守洞朗,一有咩爭執戰亂,切斷神油國嘅通道
咁右邊果一忽就變成孤島,孤立無援,只能空運兵援物資
偏偏右邊果一忽就係中印爭議嘅藏南地區






附件: 您需要登錄才可以下載或查看附件。沒有帳號?註冊

TOP

無論今次爭執嘅洞朗地區,抑或藏南地區
起碼都位於幾千公呎高嘅山脈之上 ~ 鄉港最高嘅大霧山只係得九百幾唔夠 1,000 公呎高
要修建公路上幾千公呎高嘅地方,談何容易
由其是上世紀 60年代,老中財力有限
睇下 1962年老中跟神油佬晌藏南地區開片
果種惡劣運輸條件 :




附件: 您需要登錄才可以下載或查看附件。沒有帳號?註冊

TOP

以往老中窮,無錢無水, 就算要修橋整路,都優先發展其他人口密集地區
西藏呢 D 郁下都海拔幾千公呎高嘅山旮旯
物資運輸困難,地質複雜,人口稀少,生存條件惡劣,唔係優先發展嘅目標
雖然如此,仍然逐 D 逐 D 修建低標準嘅邊防公路通往洞朗地區

據講,今年開山後 ( 每年冬春季節大雪封山),老中準備繼續修建直達洞朗地區嘅公路
如果公路直達中國不丹邊界分水嶺
晌呢個位置居高臨下,就可以俯瞰神油國恒河平原
恒河平原海拔 100公呎,中國不丹邊界海拔 4000公呎
按地球曲率計算視距,老中晌呢度設一個哨站就可以有效監視距離達 225公里
如果神油國要通過西里古里走廊向東北角 (藏南地區 )調動
老中可以居高臨下監視一舉一動
甚至架起幾碌大炮,就可以炮轟山下神油國嘅公路丶鐵路

以今時今日老中嘅財力物力同基建能力
要晌呢 D 爭議地區加快建設,雖然天然條件惡劣,但能力冇問題,只係時間嘅問題
神油國大概都明白自己嘅軟肋,但又冇乜計去阻止老中
只有發爛渣,碌地沙耍無賴   

TOP

今次邊界糾紛,本來應該係主角之一,但粒聲唔出
好似唔關佢事嘅不丹
好耐以前,我連不丹晌度未搞清楚,仲以為不丹係非洲小國 ( 其實果個係蘇丹)
後來知道佢係亞洲最窮嘅小國之一
有次問個做國際新聞嘅朋友 : 聽講不丹窮到冇飯開,佢哋靠咩搵食 ?
條友刻薄到死,答 : 自己屙自己食   

記得有報導提過,不丹晌 90年代,全國都仲未有電視頻道睇
近年唔知為乜膠嘢炒作,好多人吹到不丹係世外桃源咁
前幾年娛樂八卦新聞話劉加零同阿梁朝偉去不丹舉行婚禮咁講
又前幾年有個乜叉全球幸福指數,話最有幸福感嘅人就係不丹人
不過,你叫阿偉仔同阿加零去不丹住幾年
睇怕好快就登上極樂世界,幸福無邊     

不丹係唯一冇同中國建交嘅鄰國
你會以為梗係不丹同老中有仇,所以唔同老中建交
咁你估錯嘞
不丹同老味丶陰國丶法國丶俄羅斯都冇建交
點解咁神奇 ?
咪就係因為神油佬唔俾佢同其他大國有關係
怕其他大國勾引不丹,神油佬將不丹當係自己嘅二奶,唔准佢同其他人勾搭

呢個本來就係大陰帝國嘅殖民地政策
當年嘅神油國丶錫金丶尼泊爾丶不丹都係大陰帝國嘅殖民地
1947年大陰帝國恩賜 ( 逼於無奈) 幾個殖民地獨立
神油佬自視為大陰帝國嘅繼承人,有權接收大陰帝國嘅遺產
自認為係南亞地區嘅霸主,以前大陰國嘅殖民地理所當然係自己嘅財產

中國同神油國隔住一個難以攀越嘅喜馬拉雅山
所以千百年來兩邊都冇乜交往,冇乜爭執
當然佛教傳入中土,唐三藏去西天取經係較大嘅文化交流
但當時嘅佛教發源地,其實係今日嘅尼泊爾境內
無論如何,老中跟神油國應該無仇無怨 ~ 歷史上老中冇侵略過佢哋,佢哋更加冇本事侵略老中
咁仇怨何來 ?
就係神油佬個袋自我膨脹,當自己係當年嘅大陰帝國咁威猛   

TOP

下邊幅相就係晌高山修建道路上山頂高原
呢個地段只係海拔 3,000 公呎以下
另一幅相係天冷大雪封山
你行到攰想搵地方坐吓都冇




附件: 您需要登錄才可以下載或查看附件。沒有帳號?註冊

TOP

神油國跟老中嘅恩怨根源,主要係來自當年殖民統治者大陰帝國
生仔冇屎窟嘅陰國人心黑冇人性,慾望無窮無盡咁膨脹
陰國佬已經殖民統治成個南亞地區,依然想繼續擴大領土版圖
佢哋早已經吼住西藏,陰謀計算點樣將西藏由中國分裂出嚟

西藏位處於四五千公呎高嘅高原, 向南俯瞰成個南亞平原
晌戰略角度考慮,係一個絕佳嘅制高點, 呢點亦係點解今日神油佬成日之之左左
神油佬要岳高頭望向幾千公呎高嘅西藏,乜叉都望唔到
而西藏居高臨下,無論係安裝雷達丶火箭炮丶戰機,都係佔有制高點優勢

1913年,陰國派駐神油國嘅專員叫麥克馬洪上校
佢代表陰國約同中國同西藏地方政府,談判西藏同不丹丶英屬神油嘅邊界劃分
陰國佬拉攏西藏地方嘅分裂勢力秘密談判,答應支持西藏搞獨立
雙方私下劃分一條邊界線,後來稱為麥克馬洪線
呢條邊界線就係將藏南地區劃為神油殖民地版圖內
當時老中中央政府 ( 北洋政府)唔知道呢 D 私相授受
陰國佬側側膊咁將呢條邊界線塞入去中英協議嘅西姆拉條約草案,作為附件之一
中方代表簽署草案後,覺得有 D 唔妥,向北京請示
北洋政府知道後,拒絕承認條約,拒絕簽署正式協議
並聲明未經中央政府簽署嘅西藏地方政府跟陰國政府簽嘅其他條約,均為非法條約
由於中英未能達成協議,陰國佬冇辦法單方面話係邊界線
去到 1936年,陰國佬晌自己出版嘅神油地圖上將呢條麥克馬洪線標為 「未標定界線」
當時中國政府 (變成南京國民政府)拒絕承認係未標定界線
認為係無可爭議嘅西藏地區領土
跟住1937年就日軍全面侵華,然後陰國佬俾希特拉轟到福街
大家都冇閒心去理呢件事
二戰後,神油國要搞獨立,中國爆發國共内戰

TOP

本帖最後由 飛毛腿 於 2017-7-16 22:09 編輯

1947年,靠屁股黐住地下唔肯起身嘅靜坐 ( 非暴力不合作運動喎 )
神油國無驚無險咁成功獨立
~ 你估陰國佬真係怕咗你坐晌地下唔起身咩
~ 打完兩場大戰,陰國佬五癆七傷,債台高築,老味趁佢病,攞佢命

獨立後嘅神油國,雄心不減於大陰帝國
開國總理尼赫魯名言係 :神油國一係做一個有聲有色嘅大國,一係銷聲匿跡。
所以,神油國要繼承前主子大英帝國嘅殖民產權,第一步要做一個地區霸主
建立一國大神油聯邦
神油佬夢想嘅版圖包括神油國丶巴基斯坦丶斯里蘭卡 (當時叫錫蘭)丶尼泊爾丶錫金丶不丹。。。甚至包括緬甸丶馬來亞丶西藏
最好食埋中國 !  

以前陰國佬單方面劃定嘅麥克馬洪線
神油佬死口咬定話係兩個邊界線
就算打緊內戰,國民政府都向陰國駐華使館抗議照會
唔肯承認呢條麥克馬洪線
陰國佬就將責任推落神油國臨時政府 : 你哋雙方面傾啦

TOP

返回列表