黑老大霸氣之旅

飛毛腿

老味，地球黑老大
蘇聯作古後，地球上再冇一個社團可以跟老味拗下手瓜
老味睥睨天下，感嘆無敵是最寂寞的
冇制約， 老味橫行霸道，無惡不作

床破，呢一屆老味嘅龍頭大佬
床破自出社會都係自己做老細
唔係打工仔，唔駛睇老細上司面色
只有人哋睇佢面色
床破以前冇玩過政治，唔識亦唔理會乜叉嘢外交禮儀
佢心裡只有一個概念 ～ 老味係世界老大，我床破係老味嘅龍頭老大
其他人等係 nothing
所以佢一上任冇幾耐，跟袋鼠國總理通電話
袋鼠總理冇厘識撈，唔知自己人微言輕
向床破囉囉嗦嗦，話上一任奧黑應承由袋鼠國接受部份難民
床破 ： 接收你條毛， 奧黑應承你，你送 D 難民去佢屋企啦
一九掟佢電話 ～ 咁多廢話，你食自己啦   

飛毛腿

老床上任幾個月，宅晌白宮幾個月冇出門
終於擇好黃道吉日，出門遠行
以往一般老味新龍頭大佬上任後，首次出訪到係精心計算過
近近地嘅就去大家拿或者墨西哥
呢兩個既係鄰居又係忠心馬仔
又或者去歐洲，德國或者法國，呢兩個老歐地頭蛇
以示歐美一家親

但老床特立獨行，往往出人意表
今次佢老人家首次外訪，竟然去中東油王度
油王受寵若驚，當然要封定一封大利是迎貴客
按上兩次慣例，先俾條鏈黑老大
大鏈，粗大嘅金鏈

飛毛腿

老床自己係富翁
當然唔志在一條金鏈，話之你有幾粗
佢今次嚟嘅目的係收保護費
油王當然知道，大家一早傾掂數
唔通老大嚟到先大家慢慢傾 ？
傾唔掂數要老大空手而歸咩 ？

幾多保護費 ？
1,000 億美籠 ！
呢個係第一期，後尾跟住仲有3,500 億美籠大單
老床疇躇滿志，以前嘅龍頭老大都未試過一單買賣就成千億美籠咁重手
老味軍火商等咗幾年，終於守得雲開見月明
賣軍火俾油王真係好似自己印銀紙咁爽
賣飛機大炮俾油王唔係老虎乜乜一鑊過
油王班軍佬識條毛去維修保養老味咁先進嘅武器
跟尾嘅售後服務，維修，更換零件任你閹
你買架私家車，都要每年檢查丶換偈油丶油隔風隔，車呔磨損要換
何況軍車坦克戰機 ？

老床係商家佬心態治國
鳳凰無寶不落，千里迢迢走過嚟就係為錢
理七得你咩政治考慮，盟友關係
錢，最緊要係錢 ！  

飛毛腿

老床去完油王度搲水
跟住去以色列
以色列冇乜嘢好講
除咗老床去哭牆參觀，引起巴勒斯坦不滿
因為哭牆既係右軚教嘅聖地，又係回教佬嘅聖地
巴勒斯坦話係佢哋嘅領土
右軚佬恃住拳頭又硬又大，啋佢都硬膠

老床跟住轉飛去梵蒂岡
我唔知老床為乜要去梵蒂岡
佢同教宗有牙齒印
舊年初老床競選期間，三番四次話要晌墨西哥邊境起條萬里長城
隔絕班老墨偷渡客
又話如果當選後就要將老味境內1,000 萬個非法移民踢走
幾千里外嘅教宗就吠佢 ： 一個人淨係諗住要建牆隔絕別人，而唔係諗下建橋樑，呢種人唔係一個基督徒
老床例牌唔肯口頭上蝕底俾人吠 ，反吠佢 ：你身為宗教領袖而質疑我嘅宗教信仰，真係失禮人

今次見面，老床若無其事
但教宗就鞋口鞋面， 唧都唔笑 ：

ali

用港基督燦嘅思維，基督徒嘅事關你天主教Q事。
佢鞋口鞋面，鬼咩老床一家係佢王國好似搞喪事咁搶咗佢風頭。

seeu

https://www.youtube.com/watch?v=CoF2HpWD_lI

飛毛腿

回復 5# ali

新教徒（ 基督教）一向都唔啋羅馬教廷
幾世紀前兩幫人打生打死
今日北愛爾蘭兩幫教徒都勢不兩立

飛毛腿

老床去梵蒂岡一日遊
跟住去比利時布魯塞爾主持北約峰會
成班北約成員國大孖沙等黑幫老大出場
大佬老床行出嚟， 見到一班七碌晌度打牙骹
老床諗 ： 前面條契弟，明知老大晌度，擋住晒唔讓開條路，唔通要老大我企晌後面呀 ？冇嚟識做
於是老床一手推開企晌前面阻住條路嘅木嘴 ： 躝開 ！  
呢招就係魔擋殺魔，佛擋殺佛

俾老床一手推開果個係黑山共和國總理
黑山係最近被接納加入北約
黑山小國寡民，人微言輕，北約受埋佢玩算佢祖宗有靈
老床未必知條友係乜水，總之佢眼中北約班友個個都係阿四
佢自己先係老大

飛毛腿

飛毛腿

老床去沙特向油王收保護費
今次嚟到北約就係追債兼加收保護費

佢吊高北約班契弟
28個成員國中有 23個拖欠經費
拖咗幾年都唔願找數
咁係咩意思 ？
經費本來就唔夠，要老味補貼
咁即係搵老味納稅人笨實
你班卵樣，要你哋加經費就好似雞姦你哋咁貓刮咁嘈
你哋花錢起個北約奢華新總部，就洗腳唔抹腳，唔覺肉痛
我都未刁你哋