免費論壇 繁體 | 簡體
Sclub交友聊天~加入聊天室當版主
分享
返回列表 發帖
老味嘅財政年度起由每年 10月1日至第二年 9月 30日
2020年嘅財整年度由上兩星期就開始
但2020年財政預算案仍然晾咗晌國會度未通過
財政預算唔通過,聯邦政府唔可以動用財政收入,或者發國債向美聯儲借錢
美聯儲如果晌財政預算未通過就借錢俾聯邦政府係犯法
而聯邦政府又冇儲備資金可以用
照計聯邦政府應該拉閘等錢到,政府部門關門大吉
但到今日老床個政府仍然照常營業,乜事都冇
老床冇理由會自己出錢撐住個政府運作㗎
好神奇。。。。

原來老床晌聯邦儲備法裡面搵到個漏洞
法例規定美聯儲指定幾個國債一級包銷商,有義務無條件地接受財政部發行嘅國債
於是家下財政部每星期向幾間國債包銷商掟 4-500億美籠國債
幾個包銷商就去撲水買國債,俾錢財政部, 咁做就撇開美聯儲
但包銷商向市場撲水就吸乾市場流動性資金,扯高市場借貸利率
搞到市場隔夜利率飆升到 10%
聯儲局唔出手唔得,只好向市場注入流動性資金,降低拆息利率
如果普通人咁搞亂國家金融,話之佢係咩大鱷,早就搵 FBI 周佢返去調查
但家下係財政部,又有法理依據可以逼包銷商買國債,而且明顯係總統嘅授意
聯儲局吹佢唔脹
何況床破早就狂插聯儲局,話佢早唔肯減息,股市跌就吊九聯儲局
上一任耶倫畀老床吊到撻皮,威脅要炒佢,吊到佢自己頂唔順走頭
呢一任呢個又係畀老床日吊夜吊
睇怕老味歷史上冇其他聯儲局主席有呢兩個做得咁受氣
老床當聯儲局主席係奴僕咁
搞到前四任主席 (包括最老資格果個係列根年代做聯儲主席嘅伏克)一齊聯名發表文章
呼籲聯儲局要保持獨立性

TOP

本帖最後由 飛毛腿 於 2019-10-17 10:31 編輯

以前幾個總統都試過因為兩黨爭拗,過唔到財政預算令政府關門
老床自己都試過因為死咬住要撥款建邊境牆,情願政府關門
搞到聯邦僱員冇糧出,冇錢開飯要食救濟品
以前嘅總統冇理由唔知可以鑽法例漏洞,直接向包銷商發國債
但冇人願意去到咁盡,跟國會反晒面
而床破就天不怕,地不怕,乜都做得出
佢呢舖就係飛開國會,變相瓦解三權分立
你國會唔通過財政預算,我直接發國債借錢
只要國債總額唔超過上限,國會似乎對老床無可奈何
唔係早就狂插老床,起訴老床違法發國債啦

國會個老妖婆佩洛茜忍無可忍
之前佢話床破唔值得國會去彈劾佢
但呢鑊老床明剃國會眼眉,飛開國會
國會以往最煞食嘅手段係截斷政府條水喉,政府冇銀用就要跟國會講數妥協
但老床唔跟遊戲規則玩,一嘢將國會破功,激到條老妖婆嘔血
於是揸住老床跟烏黑爛通電話呢鑊嘢
勢要發起彈劾老床
因此老床急切要跟老中暫停貿易戰火
集中精力應付國內權力鬥爭

於是有理冇理都要搞一份乜都冇,最實在只係買農產品嘅第一階段協議
交代下老味班農民先
咪搞到兩面受敵

TOP

返回列表