飛毛腿

回復 1# 無神論狂徒


生果金正式名稱係 「 高齡津貼 」
領取生果金唔受入息或資產限制
而所謂 「 長者綜援」 要接受家庭收入同資產審查
呢兩樣係唔同性質嘅補貼

飛毛腿

至於人口老化係世界性普遍現象，特別係已發展地區
最特出例子係日本，人口老化嚴重，出生率低
李家坡仲係全球出生率最低地區 （國家）
曾經試過德國同台灣係全球出生率最低嘅
不過，近年可能輸入大量難民，難民搏命生
加上定居德國嘅土耳其裔以多子多孫為榮
所以德國擺脫全球出生率最低嘅位置
所以唔係同樓價高有必然關係

二戰後大家死過翻生
戰後社會回復穩定，大家都安心造人生仔女
所以有所謂戰後戰後嬰兒潮
幾十年後今日，數量龐大嘅戰後嬰兒步入老年
社會越發達，D 人越唔願多生兒女
咁就老年人佔比例越嚟越大
即係人口老化

飛毛腿

其實林鄭講嘅嘢冇錯
如果冇病冇痛冇殘疾，65歲之前應該仲有工作能力
只係唔願做嘅人，莫講 60歲，就算廿幾歲已經咬綜援唔肯做
多人口老化出生率低嘅國家都提高退休年齡係好
當然呢種政策多數都俾人鬧，上街抗議
但冇辦法，你勞動力不足
睇下日本，年輕嘅死宅匿晌屋企唔願出去打工
只好靠 D肯做嘅老嘢出嚟捱世界