免費論壇 繁體 | 簡體
Sclub交友聊天~加入聊天室當版主
分享
返回列表 發帖

最難堪的炒魷魚

正話睇到段新聞話國泰航空裁員
對象係經理級或以上管理層
報導話明早7 時起國泰將嚴陣以待,明早10 時封正門,將安排兩輛大旅遊巴接載被裁員工直接離開
呢個安排冇乜特別難堪
美資公司好多都係叫你去人事部接大信封,隨即有兩個保安押你出門口
你唔可以再返自己個位收拾私人物件
公司會搵人幫你將私人物品打包好再交俾你

我見過最冇癮嘅一次炒魷魚
公司係華人佬資本,規模係大企業
雖然係大企業,但一般華人佬公司好少似美資企業咁冇人情味
除非真係反晒面,或者涉及作弊丶撬公司生意之類
否則都盡量好頭好尾
但呢次被炒嘅主角係一個專業人士,條友恃才傲物,平時都係得罪人多
佢頂頭上司最後都頂佢唔順
果日佢剛放完大假,返回公司上班
門口有人事部職員截住佢,俾封大信封佢
佢嘅私人物件已經放晒入個紙皮箱度,佢可以走人嘞

大陸近年反貪腐大行動
舊年初同前年,幾乎每個星期週末
中紀委都發放消息話某某高官被雙規或雙開調查
有時仲深夜先發放公告,話某某高官被調查
雙規 ~ 規定時間規定地點交代問題 ( 即係被軟禁審問)
雙開 ~ 開除黨籍同開除公職
雙規或雙開其實就係炒魷,冇得再撈呢份工
呢個程序係老共自己嘅家法
你身為黨員違紀就要受家法處理
理論上,你違紀唔一定係違法,譬如你包二奶或者你擺官威講粗口吊九人
或者去卡拉 OK 攬女,唔犯法但違反老共紀律
只係通常中紀委出手的你返去,唔只係違紀咁簡單
有貪污犯法證據之後就交由司法機關如檢察院跟進同進行起訴
咁就進入司法程序
呢 D 程序就係含蝦燦成日歪曲為黨大過法嘅依據

王歧山做中央嘅政法委書記,作風好似比以前嘅書記狠辣好多
好多中招嘅貪官被帶走嘅場合真係好難堪
有人就認為係刻意安排
等在場嘅其他官員睇到都膽顫心驚,加深震撼力,此為之敲山震虎
但中紀委就話揀呢種時間場合落手唔係專登令當事人難堪
只係一般貪官晌呢種環境嘅警惕性會較低,心情較放鬆
抓捕佢哋時唔會惹起激烈抵抗或節外生枝
咁係咩環境呢 ?

TOP

2014年,當時廣州市市委書記萬慶良,即係廣州市最高級領導人
~ 我記得果時佢仲話治理珠江河污染有好成績,珠江水質變成優良,佢帶頭同一班人去珠江河游水
被捕果日佢去到廣東省政府開會
會議開到一半,會議室門被打開
幾條友行入會議室,去到萬慶良前面,表明身份係中央紀委
當住成班廣東省高官面前,萬慶良被帶出會議室,由省委專用樓梯行落去大樓門口
一出門口就押上車,直接駛去白雲機場,上飛機直飛北京

江西省副省長情況跟萬慶良差唔多
佢出差去山東參加一個全國性水利會議
晌會議室開緊會,中紀委人員入去會場,即場押佢走

中國科協副主席,去南昌開完會後返北京
同行仲有幾個下屬
飛機抵達北京,副主席等幾個下屬突然冇咗影
機場外有幾個科協工作人員接機,等極都唔見人
所有乘客都出晒嚟,偏偏就唔見呢幾個人,問航空公司同機場人員
冇人知呢幾條友去咗邊,但肯定佢哋係乘坐呢班機到達北京
科協人員打佢哋嘅手機,電話已關機,人間蒸發 ?
科協人員請示科協上級,上級叫佢哋報警
最後先知道原来中紀委人員晌機場閘口押走咗呢幾條友

湖北省副省長郭有明,陪同省委書記丶省長去一個大水庫巡視南水北調工程
一大班高官巡視工程,指指點點
突然幾個大漢行過嚟 , 中央紀委 。。。。副省長被即時帶走

TOP

初見標題時, 還以為 飛兄是說那粒 蝦米。 噢, 應是 科米
大將軍 在此。

TOP

謝謝師兄的分享

TOP

真係無情......

TOP

初見標題時, 還以為 飛兄是說那粒 蝦米。 噢, 應是 科米 。
das_reich 發表於 2017-5-22 12:23 AM


呢碟無情雞點少得佢

附件: 您需要登錄才可以下載或查看附件。沒有帳號?註冊

TOP

今次真係炒左好多人

TOP

本帖最後由 飛毛腿 於 2017-5-22 23:37 編輯

FBI 局長 James Comey
呢件嘢真係奇葩
我晌 KK 網果時已經話佢空前絕後
得罪晒老味政壇所有人, 共和黨唔妥佢,民主黨輸咗入佢數
當時在任總統奧黑已經想炒佢
下任總統無論床破贏抑或希阿婆贏,都想炒佢
最後床破贏咗,做咗總統
唔知係唔係姑念佢助選有少少功勞,冇即刻炒佢
但忍咗幾個月,都係要郁手

事前冇乜風聲話床破要炒佢
失驚無神,一封大信封送到佢手上
即刻押佢出 FBI 門口 ~ FBI 局長一樣係咁嘅待遇

有老味報紙佬話當日佢正晌 FBI 總部會議室
向一大班下屬講話
突然佢背後個電視報導突發新聞, 話總統已經即時將 FBI 局長解職
下面班下屬你眼望我眼, Comey 拎轉頭睇下個電視報導先知自己被炒魷
不過, 我唔係好信呢個講法
因為局長正向一大班下屬講話, 冇理由同時開著部電視嘈住晒

另一個講法就比較合情理
當時局長正向下屬講話, 有兩條總統派嚟嘅人行入會議室,向局長遞上總統封解職信
然後即時陪同 ( 押送) 局長離開 FBI 大樓

無論如何,炒佢魷魚前完全冇洩漏風聲
突然迅雷不及掩耳, 一九就踢佢走     
呢次係 FBI 成立以来首次有局長被炒魷
James Comey 個名可以記入老味歷史矣   

TOP

本帖最後由 飛毛腿 於 2017-5-22 22:50 編輯

床破一貫作風 ~ 噏得出就噏
係先白宮話總統根據司法部長建議炒 Comey 魷魚
但過幾日,老床就話早就想炒呢條友
通常一個咁重要職位被炒,老味總統最多係講幾句官樣文章,盡快淡化件事
但老床唔係一般人
佢意猶未盡,接受電視專訪時,主持人提起呢件事,老床踩多 Comey 兩腳
老床話呢條友好出風頭,愛炫耀賣弄自己,又將個 FBI 管到一塔糊塗

舊年 10月,離開大選只有 10日
Comey 突然寫信俾國會,話有新證據可以再調查希阿婆嘅電郵門事件
民主黨當堂彈起,你滷味咁即係對希阿婆發出致命一擊
仲有, Comey 咁做唔合程序
佢應該向頂頭上司司法部長提出要重新調查電郵門
而唔係繞過上司直接向國會議員報告
過咗三日, 佢話調查過幾萬封電郵, 發覺冇咩證據可以起訴希阿婆
三萬幾封電郵,三日內就篩選晒, 呃鬼咩 ?
你無風起浪, 無厘頭打擊阿婆嘅民望,離大選只有幾日,你叫阿婆點補飛 ?
所以希阿婆忿忿不平話 : 如果大選係 10月 27日, 我就贏咗大選

奧黑都谷到嘔血
話過咗大選之後就炒九 Comey 呢條友
據講奧黑已經打好晒封解職信,想卸任之前炒呢條友
但最後都冇咁做, 可能諗諗下無謂做呢個醜人角色


附件: 您需要登錄才可以下載或查看附件。沒有帳號?註冊

TOP

返回列表