飛毛腿

意料之外，情理之中
床破將國務卿  Rex Tillerson 炒魷 ！

飛毛腿

睇下上面老床寫嘅 twitter
佢同肥仔金罵街時，話佢同國務卿蒂勒森講 ： 你無謂嘥時間試圖同條肥仔會談
但突然峰迴路轉，床破話要 5月就同肥仔金會面
我估老床根本冇同蒂勒森預先商量過
蒂勒森呢幾日正晌非洲唱衰中國
咁大嘅國際事務竟然唔知會佢呢個國務卿
我要搵機會睇下有冇可能同肥仔金緩和一下，你就話我浪費時間
家下你自己唔聲唔聲就一嘢對外宣布要同肥仔金會面
蒂勒森激到急怒攻心， 索性發爛渣詐病
原定當日晌肯尼亞嘅行程取消，邊度多唔去
我估蒂勒森可能打電話返白宮質問床破 ～ 大不了唔撈，亦冇面再撈落去
老床做慣老細，點肯受人氣，你炒我不如我炒你先
you are fired ！

anakin

http://www.dailymail.co.uk/news/ ... ito=social-facebook


那威夠唔夠薑比個和平獎佢呢？

飛毛腿

那威夠唔夠薑比個和平獎佢呢？
anakin 發表於 2018-4-18 09:40 AM

佢哋兩兄弟講乜都冇卵用
老味契爺係編劇兼導演，佢話要咩戲就演咩戲
幾時輪到泡菜佬話事

金大中揸莊年代已經施行陽光政策
跟北邊嘅兄弟緩和緊張關係
仲投資搞一個開城工業園，開放金剛山旅遊區
不過，小布殊一上場， 即刻將朝鮮列為邪悪軸心之一
克林頓年代簽落嘅日內瓦框架協議 ～ 朝鮮放棄發展核武器，老味每年提供重油俾佢哋作為能源補償
朝鮮佬已經按協議將寧邊核反應堆嘅冷卻塔炸毀
但小布殊通通唔認帳，簽嘅協議當廢紙

當年晌三八線簽署停火協議
主角係老味同朝鮮，泡菜佬只係配角，老中嘅身份只係志願軍，冇正式官方身份
朝鮮佬一直要求同老味簽署和平協議 ～ 停火協議唔係正式終止戰爭
老味一直啋佢都硬膠
老味嘅算盤好簡單，只要形勢對自己有利，隨時開火
老味冇興趣維護東北亞嘅和平，搞亂中國周圍對老味壓制中國有利
   
所以泡菜佬當然唔希望再起戰火
北邊嘅兄弟家下有大炮仗 （ 核武器） 護身，個心比較定
～ 其實佢哋真正嘅護身符係老中，唔係老中， 老味早就射百幾二百隻巡航導彈俾佢哋嘆
對朝鮮佬而言，可以唔搏命最好， 梗係盡量唔惹事
但唔到佢哋話事，睇下老味需要咩環境而定

無神論狂徒

http://orientaldaily.on.cc/cnt/n ... 0428_00176_002.html

看來我講中咗。老金想搞統一。搞核擴張只係統一嘅一個步驟。
北韓冇錢冇高科技，要同南韓統一，南韓一定食住佢，冇籌碼响手，統一時，北韓只會食南韓屁。今日係核武國，有核技術有氫彈技術。埋枱傾統一，更有能進退自如。
南北韓統一，對美國嚟講不是好事。南韓民間反美人士不在少數，加埋親中北韓，韓國統一更易黐埋老中度，山姆叔就搓得賓周嘞。而且老味一向想全世界除老味外，全分裂成幾億個國家，最好葵芳旺角都變成獨立國家。所以老味一定想搞事唔會比兩韓統一，而北韓手執大殺器，睇門口，老味可以打吓咀砲，開打就唔敢。少咗個障礙。
正如我前說，老金在世界屬暗坐館，佢搞核武，比制裁都好，都冇所謂，橫掂被世界認為係爛仔，南韓就係白坐館，唔方便搞核武，當兩韓統一，核技術自然分享比國內。一個韓國有大殺器响手，又由黑化做白。對韓國民族係美事。有理由相信金仔為整個民族付出。

呢個肥仔，我敬重佢。佢應該唔係核武狂人，係一個深謀遠嘅政治家。

無神論狂徒

http://news.takungpao.com.hk/world/exclusive/2018-01/3531579.html

床破好哩一。美國種夠厚面皮。無敵。從旁指指點又施壓，逼得北韓試氫彈核武。今日兩韓解凍又關佢事

das_reich

…南北韓統一，對美國嚟講不是好事。...
無神論狂徒 發表於 28-4-2018 10:54

我猜若統一只要是稍有眉目時(其實會是漫長之事), 老尾 又會


用橫手去爆 文佬大鑊像 朴嬸嬸般, 或者是被"儍佬"啪低 。

無神論狂徒

有啲嘢喎。

das_reich

自己相信 老尾應不會輕易從 南韓撤軍雖則它在 浪人國和

琉球群島已有基地, 更不相信 肥仔金會儍耕耕去把得來不易

的核彈護身符去除掉 。 沒有人比 肥仔金更明白和清楚, 老尾靠

得住、豬乸都識上樹 。

無神論狂徒

金仔思路係，我冇大殺器响手，我打開埋度門，你老美敢入嚟嗎？