飛毛腿

無影腳

呢個係人哋將視頻截圖做成動畫
畫面已經放大仲高清
右下角條神油兵掟石掟得幾 happy，隨地都係石頭，用之不盡
不過，一記無影腳，就即刻餓狗搶屎咁仆出十幾呎遠
好清楚睇到起飛腳果個解放軍係孭住槍

飛毛腿

回復  無神論狂徒


    我都有少少擔懮。今日剛睇電視新聞，有四個解防軍係澳門幫手清理風災善後工作時出 ...
public 發表於 2017-8-25 09:04 PM

1979年果次打越南， 好快就退出越南境
前後只係打三個月左右
但晌邊境有爭議嘅地方繼續打
主要係老山同埋者陰山，大陸稱為兩山輪戰
點輪戰法 ？
老共先派昆明軍區嘅兵去打
打完一輪後，換濟南京區去打
南京軍區打一輪，再調換濟南軍區上場打
然後再換蘭州軍區上場打，跟住換北京軍區去打
最後換成都軍區去打
其實就係車輪戰，俾國內各軍區有機會上戰場體驗實戰
呢一打，打足十年有多
去到 1990年先將前線指揮交俾雲南軍區
1993年正式解解除作戰狀態

越南佬就慘嘞，足足受咗十年折磨
呢十年，用盡全副心血防住老中借勢嚟一個滅國之戰
以越南國力根本冇餘力再建設國家經濟
本來以為有蘇聯呢個老大照住
但 80年代蘇聯自己陷入阿富汗戰爭，自顧不暇
戈爾巴喬夫上台後掛住咩新思維，蘇聯經濟已經江河日下
邊得閒理你個越南佬
終於越南頂唔順，要去向老中求和，唔好再打嘞，大佬

越南同神油佬一樣，野心爆棚
本來以佢哋打咗成廿幾年仗嘅軍事實力同經驗
對付中南半島嘅老撾丶柬浦寨等綽綽有餘
吞併幾個弱小國，越南就成為地區小霸王
不過，老中臥榻之旁，岂容他人鼾睡
而且仲係食碗面，反碗底嘅反骨仔，對自己有敵意嘅鄰國
等你坐大之後，要鉗制你豈不代價更大 ？
所以老中借勢 （ 蘇聯周身唔掂）打殘佢隻馬，切斷越南崛起坐大之路

飛毛腿

眨下眼，咁又廿幾年
的確，老共嘅解放軍已經廿幾年冇打過仗
平時演習，始終係演習，同實戰嘅兵凶戰危不可同日而語
戰場上有咩錯失，係成百上千嘅人命代價
但冇辦法，亦係幸運地，承平日久先可以全力建設國家經濟
今日中國嘅經濟成就係得益於幾十年嘅和平環境 ～ 其實歐洲同日本何嘗唔係 ？

老味係就係幾乎冇咩和平日子過
唔係打呢個就係打果個，到處無事生非撩交打
表面上老味實戰經驗豐富
但睇真 D， 老味打嘅都係弱國窮國小國
老味用最先進殺傷力最大嘅武器，以獅子撲兔嘅威勢去打
有如攞住機關槍去同一個揸菜刀嘅人打
打完之後就賴死唔走，咁要同佢哋嘅抵抗力量繼續周旋
老味用巡航導彈打一堆遊擊隊嘅帳蓬，錢多
而遊擊隊就打老味幾槍就走，一係路邊炸彈伏擊老味
老味一日唔撤退，一日都要對付呢 D 抵抗力量
老味根本冇同實力相當嘅對手打過 ～ 比如俄羅斯

所以，講實戰經驗，老味唔好得過老中好多
而且老中就算要打，跟老味嘅目的完全唔同
老中唔會打一場滅國之戰，唔會入侵人哋國境以全面佔領為目的
睇下老味， 打完阿富汗後駐守當地，扶植傀儡政府，打伊拉克又係咁
老中打完就走，打怕你就算，你唔好再嚟惹我