飛毛腿

唔怪得印度咁緊張，中國卻氣定神閒，原來
vincenttom 發表於 2017-7-17 09:08 PM

呆灣口水佬晌電視節目噴口水，語不驚人死不休吸引收視
你信一半都嫌多
雅魯藏布江流出中國境進入神油國阿薩姆邦，改稱為布拉馬普特拉河
～ 下面幅圖用藍色框住
然後流入孟加拉境內先跟恆河下游匯合，最後流入孟加拉灣

而恆河中上游跟雅魯藏布江完全冇交集
～ 紅色框住果一忽
所以，雅魯藏布江於中國境内建水壩，對恒河完全冇影響

飛毛腿

居加兵  聽聞是全地球最好打最勁的民族
vincenttom 發表於 2017-7-17 08:50 PM

陰國佬自己唔打得
如果晌尼泊爾高原山地開戰
機械化部隊，重裝備無用武之地
只好靠當地嘅居加佬去搏命，佢哋膽正命平又熟悉山區地勢
就係咁吹到天花龍鳳
真係全地球最好打最勁的民族就唔駛俾陰國佬殖民統治啦   

打仗講究嘅係戰術丶兵法同戰場指揮調度，唔同街頭毆鬥隻抽
呢樣睇怕地球上冇邊個民族比得上老中
老中歷來注重行軍佈陣同戰術，歷史上各家兵書多如牛毛
朝鮮戰爭中，老中以落後嘅武器，短缺嘅裝備物資，冇空軍冇海軍
跟世界最強火力最先進裝備嘅老味另加 16 國聯軍開片，老味有最先進嘅戰機同軍艦丶坦克
老中靠嘅只係利用戰場地勢，運用神出鬼沒嘅戰術
打到老味由平壤敗退返去韓城

飛毛腿

清政府末期，大陰帝國已經逐步安插勢力入西藏
迫清政府簽訂拉薩條約 （ 英藏條約 ）
不過內容實在太喪權辱國，滿清佬簽唔落手
滿清多次抗議丶講數，終於簽一條中英續訂藏印條約 （ 北京條約）
陰國佬所謂讓步係承認大清擁有西藏主權， 之前只承認大清係西藏宗主國
條約內容當然係不平等條款

辛亥革命推翻滿清， 跟住軍閥混戰
陰國佬覺得機會難逢，加快蠶食西藏
就係前面講過嘅西姆拉會議，搞一條麥克馬洪線出嚟
煽動西藏本土嘅地主貴族喇嘛搞獨立
藏獨將清朝遺留嘅官員踢出西藏
陰國佬對北洋政府話西藏邊境靠近陰國殖民地不容許有中國官員
所以直到後來老共解放西藏，西藏一直冇邊境口岸海關
陰國佬派官員，軍隊進駐西藏，設立電台丶郵局丶驛站等
陰國佬背後操控西藏地方政府，支持藏獨活動

歐洲方面，德國強勢崛起，挑戰大陰帝國霸主地位
終於廿幾年內，連打兩次世界大戰
～白鬼嘅所謂世界，當然以歐洲為世界中心
大陰帝國恃住工業化後嘅船堅炮利打非洲土佬丶美洲土佬同大清八旗廢柴就也文也武
但同工業化嘅德國打，就俾德國佬打到福街杏加橙
其實二戰時晌馬來亞丶新加坡，陰國佬都俾日本皇軍打到落花流水
～ 後來嘅朝鮮戰爭，中國志願軍劉光子一個人活捉 63個英軍

打完兩次大戰，大陰帝國已經半殘
戰後民族運動此起彼落，海外殖民地紛紛獨立
被稱為大陰帝國皇冠上明珠嘅神油國終於獨立
冇咗絕大部份海外殖民地，大陰帝國仲大條卵咩

飛毛腿

1947年神油國獨立
1949年老共建立共產中國
建國之初，老共認為神油國係同病相憐，飽受列強侵略剝削民族
所以視神油國為友好國家
但神油國卻認為自己係大國，係大陰帝國嘅繼承人，應該繼續做一個大神油帝國
神油佬野心夠晒大，只係野心比能力大千倍

1950年，老共派志願軍參加朝鮮戰爭
對手係當時地球上軍事財力最強嘅老味，加上 16個馬仔國派兵組成聯合國軍
以實力對比，老中係以卵擊石
1951年，神油國乘人之危，派兵佔領麥克馬洪線以南嘅藏南領土
神油國睇死老中晌朝鮮跟老味搏命，冇餘力看守西藏山旮旯邊境
老毛知道事件後，大概礙於現實，只好忍而不發

現實係東邊正跟老味打仗，朝鮮係中國東北嘅屏障
美軍將朝鮮滅國的話，就會陳兵鴨綠江邊，威脅中國工業重鎮東北三省
以老味嘅實力，適合時機隨便搵個藉口就可以發動對老中攻擊
所以，朝鮮方向係老中嘅核心利益，事關國家生死存亡
而西藏邊界地區，生存條件惡劣，人口稀少，遠離中國經濟核心區
雖然守土有責，國土不能丟失
但權衡輕重，老中冇能力兩線作戰， 忍

1953年朝鮮戰爭停戰
老中開始同神油國談判雙邊關係
1954年雙方簽訂神油國在西藏嘅通商同交通關係
其實係取消神油國繼承大陰帝國晌西藏嘅特權
呢一年老中逐步派解放軍進駐西藏接連神油國嘅邊境
本來神油國已經侵佔邊境唔少地方，解放軍一到，雙方衝突漸多

1959年，尼克魯寫信俾周恩來，要求大片領土歸於神油國
俾出嘅理由係無厘頭乜叉千年以來歷史形成嘅邊界
周恩來當然唔可能答應要求，不過仍然派官員談判審查雙方嘅論據

飛毛腿

1959年中蘇關係已經貌合神離
當年 10月， 赫魯曉夫訪問中國，中方通報有關神油國邊境衝突問題
赫魯曉夫偏幫神油佬，指責老中唔值得為邊境領土起爭執
周恩來丶陳毅為此跟赫魯曉夫唇槍舌劍爭拗
老毛一直唔出聲，佢知道赫魯曉夫係咩性格，佢好厭惡老赫呢個人
大家拗到面紅耳綠，老毛最後總結，講咗一句名言 ：
我們對尼赫魯還是要友好的，但我們有原則 ： 人不犯我，我不犯人， 人若犯我， 我必犯人。。。

1960年，中蘇關係全面破裂
蘇聯停止一切對老中嘅工業建設援助，撤走所有技術人員
武器支援更加唔駛諗 （ 其實所謂支援係要俾錢買，不過優惠價 ）
於是冷戰年代，世上兩大超級強國美蘇都跟老中唔妥
老中孤立無援，只有一班窮國小國關係比較好

老中只係初步建立工業基礎體系，離全面工業化仲好遠路
而神油國跟美蘇關係良好，左右逢源
神油佬心中暗喜，覺得機會難逢

11月，老毛晌杭州開一個最高層決策會議
總參謀部匯報邊境不斷發生流血衝突，神油佬氣焰囂張，老中指揮官都怒火衝天
早就想大打出手，打鑊金神油佬
老毛聽咗匯報後，指示 ：
前線人員跟對方由早到晚對峙，大家都揸住槍，一扳槍機就開火，點會唔流血 ？點可能避免衝突 ？
老毛提出一個隔離政策，雙方各自後退 20公里，避免直接對峙，避免擦槍走火
如果神油國唔肯後退，我方單方面後退
好多人都唔理解老毛點解咁做，但不敢不從

飛毛腿

隨即，周恩來以中國政府名義寫信俾神油國，提出各自後退嘅建議
尼赫魯拒不接受，佢覺得老中軟弱可欺，於是加強邊境武裝挑釁
老毛仍然按原先建議，自己單方面向後撤退 20公里

1960年 1月， 老毛又下令一系列令人出乎意料嘅措施 ：
中方控制嘅 20公里內，不巡邏，不演習，不打靶，不打獵
遇有神油軍入侵，先提出警告，勸其撤退，勸阻無效後解除對方武裝
再經勸告後，發還武器，讓其離去

好多人都唔明老毛咩葫蘆賣咩藥
好多軍佬谷到袋都爆，咁樣係助長神油佬嘅氣焰，真係未打先輸
不過，跟老毛打天下嘅人都知道，老毛嘅策略好多時都係鬼神莫測
當年老毛率領極度弱勢嘅紅軍，俾刮民黨追殺
紅軍武器落後，彈藥缺乏，人數少
而刮民黨人強馬壯，彈藥充足，人數眾多
紅軍往往靠老毛神出鬼沒，高深莫測嘅策略殺出重圍

1961年老中多次向尼赫魯提出和談，大家執行隔離建議，避免衝突
神油佬拒絕
1962年，老中單方面向後撤退 20公里已經近兩年
呢兩年神油變本加厲向邊界增兵蠶食
而老中呢三年就苦過 de de
大躍進失敗，經濟倒退，加上三年自然災害，糧食減產
老中陷入內外交困局面
神油佬喜上眉梢，加快吞食中國領土
神油軍已經越過東邊麥克馬洪線，進入西藏扯東地區
1962年 8月， 神油軍已經晌中國領土建立 100個據點
呢 D 據點只距離中國哨站幾十公呎甚至幾公呎遠，真係 face to face 咁對峙
有 D 據點更離譜，去到中國哨站後面
神油佬得寸進尺， 如入無人之境

當年運籌帷幄，指揮若定，靜如處子，動若脫兔嘅老毛好似變成癡呆咁
任人打都唔還手 ？

飛毛腿

1962年6月中，老味情報部門察覺老共晌東南沿海出現頻密軍事調動
呢次調動被認為係朝鮮戰爭以來最大嘅軍事調動
老味情報部門向國務卿報告
提議國務卿 嚴肅看待中共的意圖
情報部門認為中共可能要出其不意奪取金門或馬祖，或者兩者兼得
老味國務院通知駐呆灣大使，盡快約見蔣該死
提醒老蔣，中共軍隊在福建大規模集結，非常可能要對一 D 島嶼發起進攻
老味各部門忙碌索料分析，始終摸唔清中共嘅意圖

唔知老味想摸底抑或想安撫老共唔好衝動
老味要求陰國佬轉告北京 ： 外間傳聞中華民國 （呆灣）要進攻大陸
美國政府在目前情況無意支持呢種進攻
～ 陰國政府在 1954年跟中國建立代辦級外交關係，所以有外交溝通渠道

一直有傳聞蔣該死要趁大陸困難時期發動反攻大陸
所以神油佬覺得呢個係絕佳機會向西藏邊界發動進攻搶奪領土
老味覺得老共可能想先發制人，搶奪金門馬祖，壓制刮民黨

6月23日，波蘭華沙，老味談判代表向老中代表保證 ：
老味唔會支持老蔣向大陸發動進攻，老味唔願意再見到一場世界大戰
如果老蔣執意要進攻大陸，老味可以跟老共聯手制止佢
為咗顯示老味真係唔支持老蔣挑釁大陸
老味總統甘迺迪發表公開聲明 ：老味唔支持老蔣進攻大陸
本來想混水摸魚嘅老蔣當然谷到爆
而赫魯曉夫條友乘機抽水
譴責老味支持呆灣老蔣向大陸挑釁
中共會得到社會主義陣營嘅支持嘅
～ 信佢講就聽乞米

點解老味突然咁怕兩岸打起嚟 ？
因為老味面對赫魯曉夫嘅咄咄逼人，自己個後欄隨時著火
老味收到料蘇聯同古巴達成協議，要晌古巴部署導彈
咁就有如一把利劍插向老味個袋
9月2日，蘇聯宣布向古巴提供武器並提供技術專家支援
9月4日，甘迺迪公佈古巴政策，不容許古巴部署危害老味嘅武器，必要時老味會向古巴採取軍事行動
9月5日，一艘蘇聯貨船運載一批中程彈道導彈抵達夏灣拿
9月8日，另一艘蘇聯貨船又抵達夏灣拿
9月12日，蘇聯塔斯社譴責老味蓄謀入侵古巴，警告老味 ：入侵古巴意味戰爭
9月13日，甘迺迪發表聲明 ： 只要威脅到老味安全，老味將採取行動

9月13日，神油國軍隊大舉越過麥克馬洪線，在西藏東扯地區設立軍事據點
神油軍向中國邊防部隊開火
神油佬趁全世界焦點集中在美蘇古巴危機
成機發動進攻，搶奪中國領土

飛毛腿

10月 16日， 甘迺迪接到經核實確認嘅情報
蘇聯開往古巴嘅貨船載有攻擊性導彈
進一步情報認為只少有 1,600 隻或者多至 3,200隻射程 1,000 哩嘅導彈
呢個射程直接威脅老味本土核心區域
甘迺迪同幕僚開會研究後決定封鎖古巴沿海
再施加軍事同外交壓力， 迫蘇聯放棄計劃在古巴部署導彈

10月17日，中央軍委由老毛主持高層決策會議
最後決定由 「對印度要克制」方案轉為反擊方案
中央軍委簽發 「殲滅入侵印軍的作戰命令」

10月20日清晨，西藏軍區司令張國華下達對神油軍反擊命令
中方陣地即時千炮齊發，山搖地動
中午時份，解放軍佔領克節朗河正面所有神油軍陣地

10月22日， 甘迺迪下令全面封鎖古巴，古巴導彈危機爆發
同日，中國政府發表聲明 ： 由於印度軍隊越過麥克馬洪線侵佔中國領土
並向中國邊防部隊發動大規模進攻
為咗制止呢種侵略行為，中方軍隊發起自衛還擊
中方軍隊戰鬥中，無必要受到非法的麥克馬洪線約束

10月20日老中發動還擊戰鬥，至 22日，唔夠三日
神油國王牌軍第七旅全軍覆沒，旅長被生擒
克朗節河以南，駐守有神油軍三個步兵營加一個炮兵旅，約 4,000人
呢班人聽見第七旅已經被全軍殲滅，即刻向南邊作鳥獸散
10月 24日， 解放軍佔領東新橋
10月 25日， 解放軍進入達旺
邊界東邊戰線，解放軍五個營兵力越過麥克馬洪線，向神油軍發動攻擊
駐守該區嘅神油軍五個營兵力，一見到解放軍就豕突狼奔，瘋狂逃命

飛毛腿

10月 24日， 老味海軍出動航空母艦丶空軍丶幾百艘軍艦對古巴領海實行封鎖
同日，聯合國秘書長宇丹向美蘇建議雙方暫停行動
建議蘇聯暫停向古巴運送武器三星期，老味暫停封鎖

10月24日，周恩來向尼克魯提出三項停火建議
尼克魯拒絕，反而向邊界增兵

10月25日，赫魯曉夫表示接受宇丹建議
10月26日，甘迺迪重申要撤走在古巴嘅蘇聯武器
同日，美軍攔截古巴封鎖線外一艘蘇聯租用貨船，登船檢查
當晚，甘迺迪接到赫魯曉夫親筆信，老赫承認古巴有蘇聯製嘅導彈
表示蘇聯決不再向古巴運武器，現有嘅武器可以撤除或銷毀
10月27日，蘇聯外交部向老味發出正式文件
要老味撤出在火雞國嘅導彈，作為蘇聯撤出古巴導彈嘅交換條件
同日，一架老味 U2偵察機被古巴擊落，駕駛員死亡
甘迺迪向蘇聯發出最後通牒，除非 蘇聯 24小時內保證撤出古巴導彈
否則三日後老味就採取軍事行動
10月28日，莫斯科電台廣播赫魯曉夫同意撤走古巴導彈

飛毛腿

11月14日，神油軍增兵完成，覺得自己兵強馬壯
神油指揮官信心十足，向解放軍發動攻擊
解放軍還擊，神油軍立地成佛
11月 16日，解放軍摧枯拉朽般痛擊神油軍
神油軍指揮官第四軍軍長掉低部隊，自己同其他高級軍官搭運輸機逃命
軍長帶領嘅 11旅 全軍盡墨

11月19日，尼赫魯向全國講話 ：
我不得不把新的挫折告訴大家，兩支中國軍隊開進東北邊境地區……
我們丟了呢度 …… 果度又失守 …… 中國軍向我們發動猛烈攻擊
局勢是嚴重的，使人傷心的。

11月 20日 ，尼赫魯寫親筆信俾甘迺迪，呼籲老味提供緊急軍事援助
神油政府下令東北地段各邦緊急疏散人口
兵荒馬亂，有錢嘅收拾細軟逃命，冇錢嘅冇乜所謂，賤命一條
不過，好多人都驚炮彈冇眼，總之亂成一鑊粥咁
而神油國核心地區，傳聞話中國軍隊已經出現晌新德里外圍地區 50 公里左右
神油佬嚇到賴尿咁滯
～ 其實應該係有錢佬先會驚，聽聞共產黨會殺有錢佬丶地主，窮鬼同賤民冇乜好驚

11月20日，由於蘇聯運走古巴導彈，甘迺迪宣布結束對古巴領海封鎖
11月21日，蘇聯對軍隊解除動員令
古巴導彈危機結束

11月 21日零時，中國政府發表聲明 ：11月22日零時起，中國邊防部隊在中印邊界全線停火。
尼赫魯粒聲唔出，冇話接受停火，又冇話唔接受
其實佢講乜叉都冇用，係中國單方面停火，你接唔接受都冇影響
前線你已經全軍覆沒， 唔接受又點 ？ 再打過呀 ？