毛球

雖然出來反對嘅人數唔係真有兩百萬, 但有幾十萬人一而再行出嚟, 仲要係越來越多, 身邊不只年輕人, 各樣人士都存在反對立場, 而且根本連傾一下都難, 一講就乜情都玩完. 我真係睇唔到修例對大部份人有絲毫影響, 佢地就係受各方位不自覺地洗腦, 都認為條例會對佢地將來有影響, 或者總之同大陸有關嘅政策都必然抵抗到底, 羊群心態, 本來還沒甚麼見解的看到又再跟隊, 呢啲先係反對派同背後策劃團隊嘅籌碼. 本來呢屆立法會建制佔了優勢, 就因為咁反對派更要廢咗個議會制度而利用民眾力量. 佢地嘅手段卑劣無恥程度真係難以置信, 除咗肆意破壞香港嘅和諧同穩定, 將政府打殘之外, 仲成功將差不多所有「未來嘅棟樑」變成一群喪屍, 將大陸收番嘅「東方之珠」變成「動亂之都」. 前幾日睇到一條片, 一個看似青澀嘅年青人講父母唔會同子女一齊出嚟係自私不愛護孩子, 影片背後動機歹毒的令人心寒, 不單要孩子們去做喪屍, 更要離間他們跟不同意見的父母, 從家庭分裂出去.

以為林鄭好打得, 開始幾天還在撐, 警方執法也合理有力, 就在這時, 班子內的口風開始轉, 是有鬼還是受不了? 其實企硬打消耗戰都贏面唔細(如佔中), 咁多人話反對, 咁暫緩是可接受的, 反正堅持等議會投票決定都未必可通過, , 但林鄭竟然道歉起來, 之後官員一個個只會道歉, 如此軟弱不堪一撃的政府, 我真的失望了, 我想北京也失望, 反對派係得勢不饒人的, 幾天來, 各政府機關而至警總被圍, 喪屍愛怎樣就怎樣, 政府已連一句譴責都不敢, 只能說些明白大家和平示威嘅自由云云, 至喪屍引發不到半點事端出現倦極而散, 警方才敢出個聲明表示追究 (不過都好過威一陣又縮). 其實兩個星期下來政府同議會好多工作都癱瘓咗, 繼續下去政府仲做到啲乜? 以後即係由反對派左右大局, 但政府又唔可能照跟. 以為林鄭係虎媽, 點知真的是慈母(多敗兒),  佢嘅班子亦冇個大將, 就算林鄭下台, 再選新政府都好難鬥贏. 能人買少見少, 香港命運已到末路. 香港未能真正回歸, 我地呢代係時候返鄉下, 自己回歸, 留番班喪屍真正「代表全香港人」, 繼續發夢.

毛球

我嘅計法係咁, 維園到金鐘路線全長3公里, 6月9日最高峰部份路面6條行車線全開放, 1條行車線估計3.5米, 遊行開始至龍尾到達終點共8小時, 完成全程遊行時間最快的龍頭用咗個半鐘, 之後越來越慢相信有至3小時以上, 當中大會非常歡迎遊行人士中途加入或中途離開以便作大幾倍冇數拗, 行走中行人密度我認為最多一平方米2人.

全程路面面積 : 全長3000米*1條行車線3.5米*平均佔用4.5條行車線= 47250平方米

時間倍數 : 8小時/平均每程2.25小時 = 3.6倍

總遊行人數 : 47250*3.6*行人密度2*1.2(當每6人有2人只行一半, 即係4+0.5+0.5) = 408240人

6月16日根據報導同樣計法如下 :

全程路面面積 : 全長3000米*1條行車線3.5米*平均佔用5.5條行車線= 57750平方米

時間倍數 : 9小時/平均每程2.25小時 = 4倍

總遊行人數 : 57750*4*行人密度2*1.2(當每6人有2人只行一半, 即係4+0.5+0.5) = 554400人

第1次主辦開大數話1030000人, 政府或學者其實應該對呢個數字作出反應, 唔係次次都任佢地篤數, 因為呢個數字係可以支持到好多後續事情嘅發生, 事實上612事件係因為呢個數冇被質疑令暴徒以此作行動升級嘅籌碼, 616第二次遊行亦因好多人覺得有咁多人反對加大羊群心態, 大會又再開大口索性叫2000001, 同樣冇人(不包括坊間)提出質疑. 呢個數字, 如果當真, 足以推翻一個政府.

至於每次遊行警方嘅最高峰人數, 曾經有人問點計, 佢地都唔可以清楚解釋, 只話都係靠估, 我照字面解, 即係最高峰人數一刻, 而唔係總人數, 咁遊行由龍頭到龍尾起碼分幾轉人, 警方估計最高峰人數一刻有幾十萬, 咁總人數咪又1000000, 係咪癡線? 根本講最高峰人數只適用於集會, 遊行係要計總人數.