免費論壇 繁體 | 簡體
Sclub交友聊天~加入聊天室當版主
分享
新浪微博
QQ空间
Facebook
Google+
Plurk
Twitter
Line
Board logo

標題: 床破大殺四方 [打印本頁]
作者: 飛毛腿    時間: 2018-3-19 22:35     標題: 床破大殺四方

大家可能仲記得，舊年老床炒個 FBI 局長幾咁絕
FBI 局長正在 FBI 總部向一大班下屬講話
有人埋佢身邊同佢講 ： 啱啱睇電視新聞， 報導話總統啱啱炒咗你魷魚  
Comey ：  

今次炒國務卿又係冇面俾
今個月13 號，床破冇向 Tilleson 知會一聲
就晌自己個 twitter 公佈要炒國務卿魷魚
Tilleson 都係睇床破個 twitter 先知自己被炒
而白宮幕僚長爆料話，之前佢通知過 Tilleson 老床會炒佢魷魚
當時 Tilleson 晌非洲，話個胃唔舒服取消肯尼亞嘅訪問行程
白宮幕僚長打定話通知佢果時， Tilleson 正踎晌廁所

其實國務卿呢個職位係老味政府嘅重要官員
炒一個咁重要官員係一件嚴肅嘅事
我唔知佢哋做乜要爆呢 D 冇關要旨嘅細節
除咗要嚟羞辱下 Tilleson ，真係唔知仲有咩意義

[attach]1952[/attach]
作者: 飛毛腿    時間: 2018-3-19 22:37

開個話題
整理下 D 資料再繼續講
我都要去厠所先   
作者: 飛毛腿    時間: 2018-3-20 23:26

老床坐上總統寶座
心態仍然係管理自己家族生意咁
就好似鄉港幾十年前或者家下仍然有嘅舊式華人舖頭咁
一家大細打理生意，唔會信任外人
床破就係唔信白宮 D人， 唔信傳霉，只信自己個女同女婿
佢有咩決定，直接晌自己個 Twitter 講
最慘就係白宮發言人，都唔知總統想點，記者問到就口啞啞
好似前一日白宮發言人向記者講 ： 除非朝鮮肥仔金有實際行動放棄核武器，否則總統唔會跟佢會面
店知第二日，老床就晌 Twitter 寫話 5月份就會同肥仔金見面會談
所以，老床入白宮揸莊一年多 D， 已經有幾個白宮發言人唔撈

好似今次炒國務卿
CNN 話有政府高官話，老床於 3月 9日已經要求國務卿辭職
而另一個白宮官員放料話白宮幕僚長向國務卿透露，老床打算炒佢 （ 國務卿）魷魚
總之大家都係高官，佢講一套，你又講另一套
記者都唔知邊 D 先係真料，話之佢， 當娛樂八卦咁寫

好喇，你一言我一語
Tillerson 個副手，副國務卿 Steve Goldstein 替上司抱不平
佢又學老床咁晌自己個 Twitter 寫嘢
佢話 Tilleson根本冇同床破傾講過辭職，亦都唔知被炒嘅原因，Tillerson 都係睇老床個 Twitter 先知自己被炒
咁即係反駁白宮官員嘅廢話
好，你咁多嘢講， 炒 ！
幾個鐘頭之後， Steve Goldstein 被炒
作者: 維圓阿伯    時間: 2018-3-23 15:32

崩口人忌崩口碗
老共如反彈
阿伯買
你老味今鋪會“床破
作者: das_reich    時間: 2018-3-23 18:00

本帖最後由 das_reich 於 2018-3-24 01:18 編輯

讚同 阿伯兄之言 。 個條 瘋老柴現時和或將會

所幹之一切, 皆是想轉移其民眾之視線…… 牠被人們

緊咬的[通俄門], 希望它不會成為牠自用的“通櫃門“ 。
作者: ali    時間: 2018-3-23 18:58

前床破床伴爆佢鍾意「前面頂人後面」，諗起80年代王晶垃圾片對白：「我攻擊你臀部」；
前年俾人爆佢「Grab them by the pussy」下其手，
比電影中馮卒帆講嘅上其手「鳳爪雞包仔」更直接入骨。
作者: 飛毛腿    時間: 2018-3-23 23:04

本帖最後由 飛毛腿 於 2018-3-23 23:07 編輯

如果話炒國務卿 Tillerson 冇面俾
咁炒 FBI 副局長 McCabe 就真係夠晒絕情
舊年炒 FBI 局長 James Comey 之後， McCabe 代局長
一直都有傳聞話 McCabe 同 Comey 蛇鼠一窩， 針對老床
老床忍屎忍尿， 忍到呢個月
最絕係仲有兩日， 係兩日， McCabe 就退休咬長糧
老床出手， 炒魷 ！
呢下真係應棍
McCabe 被炒， 可能冇咗份長糧
份長糧係佢以後每年得到 6 萬美元
家下 McCabe 可能要向某 D 委員會申訴， 甚至打官司去爭取返份長糧
真係喊都無謂
老床自己公告天下要炒 McCabe 魷， 仲踩多佢兩腳


[attach]1966[/attach]
作者: 飛毛腿    時間: 2018-3-23 23:27

上一任副總統拜登
前年競選時已經踩老床
因為老床俾人爆佢後生果時話只要佢喜歡果個女人， 就一手抓落去佢個 pussy 度
～ 但就算係真嘅，都係一班後生仔坐埋講溝女經
但老床形象唔得女性歡心，佢舊年就職時就有一班女人抗議佢唔尊重女性

上個星期拜登去 Miami 一間大學演講
講講下又扯上床破歧視女性嘅言論
有人問拜登會唔會同床破辯論要尊重女性
拜登就話 ： 唔會，如果哋都晌高中年代，我直頭拉佢入健身房，打佢一鑊金

嘩，俾人摟刮，喊隻揪
從來唔肯口頭上蝕底半句嘅床破點可以忍呢啖氣 ？
於是堂堂老味總統話 ： 大我呀， 喊打我 ？你真係唔知我係邊個，我兩嘢就打到你趴晌度，喊到收唔到聲   



[attach]1967[/attach]
作者: 飛毛腿    時間: 2018-3-25 23:43

本帖最後由 飛毛腿 於 2018-3-25 23:46 編輯

上兩個星期，床破將國務卿 Tillerson 炒魷
跟住又將 Tillerson 個副國務卿炒魷
老床搬入去白宮揸莊不過一年多少少
白宮嘅高層官員已經走馬燈咁換個不停
有 D 係涉及老床競選時跟俄羅斯眉來眼去 ～ 呢單嘢被稱為 「通俄門」，而被迫辭職
有 D 係跟老床意見不合，或辭職或被炒
而 FBI 就舊年炒完局長，上星期就炒代局長

咁搞法，白宮裡面人人自危
都唔知幾時無厘頭突然被炒
於是白宮大管家 ～白宮幕僚長 John Kelly 出面安定人心
佢召開過會議，話大家唔駛擔憂，佢哋唔會被炒，安心工作好嘞
晌會議度，佢自己爆料話佢通知國務卿 Tillerson ，老細會好快炒佢魷
當時佢打電話俾 Tillerson， Tillerson 正晌廁所辦大事
～ 唔知佢講嚟做乜，可能想場面輕鬆 D 啩

話口未完， 前幾日老床又將個國家安全顧問炒魷
咁仲未止， 前兩日有所謂 「知情人士」 爆料
好可能就晌呢個月內，老床會將白宮幕僚長炒魷
以後唔搵人做白宮幕僚長，老床自己兼埋白宮幕僚長嘅工作咁話

唔好講話一個世界老大國家嘅最高權力機構
就算話一間大企業，比如話滙豐銀行或者長實之類
總經理丶 CEO丶財務總監丶營業總監之類最高層管理人員不停咁被炒完呢個炒果個
一個高層管理人員接手，位都未坐暖就被炒，換另一個，另一個都未上手又被炒
咁真係唔知間企業點去運作

所以，舊年大選有結果
當時嘅總統奧巴馬叫班白宮職員出嚟
奧巴馬話佢哋知 （ 其實個個都知選舉結果 ）白宮新主人產生咗嘞
未來四年你哋就要同新主人合作嘞。。。之類
你哋睇下，白宮班職員知道床破會入主白宮揸莊
～ 呢班係聯邦僱員， 唔係政治任命嘅部長之類，白宮換主人其實唔會影響佢哋
但佢哋個個鞋口鞋面， 好似送殯咁面口   


[attach]1993[/attach]
作者: anakin    時間: 2018-3-26 13:57

阿侵炒幕僚長，唔知係咪想個女可以明正言順入宮幫佢…
作者: 飛毛腿    時間: 2018-3-26 22:31

阿侵炒幕僚長，唔知係咪想個女可以明正言順入宮幫佢…
anakin 發表於 2018-3-26 01:57 PM


佢個女冇正式官職
但晌白宮西翼 （ 權力中心） 卻有一個辦公室
好似話床破俾個職銜佢係總統助理
佢哋自己大把錢，佢個女又唔攞薪金，真係吹佢唔脹
而佢個女婿就被欽點為高級顧問，有冇攞薪金就唔知
不過佢哋都唔會在乎果少少錢

最近見過報導話好似要限制佢女婿接觸機密文件
係唔係呢個白宮幕僚長做手腳就唔知
呢個白宮幕僚長 John Kelly 之前係國土安全部部長
應該都唔係泛泛之輩
佢一入白宮，就要求床破俾佢絕對權力去整頓白宮西翼 （ 總統及幕僚辦公室所在 ）
要求包括女婿同個女要見總統，先經過幕僚長批准
～ 以前好多白宮幕僚長都係咁樣， 所以話幕僚長晌白宮內權力非常大

John Kelly 上任第一日就將白宮通訊聯絡辦公室主任炒魷
而呢條主任係床破家庭嘅好朋友，佢係床破女婿推薦擔任呢個職位
由此可見呢條友同床破女婿爭權爭得好激烈
舊年 11月有傳聞話 John Kelly 會要求床破個女同女婿搬出白宮
不過，John Kelly 接受紐約時報訪問嘅時候否認呢個傳聞

總之，白宮就好似朝廷兼後宮，總統就好似皇帝
底下文武官員拉幫結派，爭權爭寵，權力鬥爭
就好似果套大陸好多人睇嘅政治電視劇 「 紙牌屋」（House of Cards  ） 咁
作者: anakin    時間: 2018-3-28 03:07

佢個女冇正式官職
但晌白宮西翼 （ 權力中心） 卻有一個辦公室
好似話床破俾個職銜佢係總統助理
佢哋自己 ...
飛毛腿 發表於 2018-3-26 22:31


幕僚長呢個位，係真真正正既總統心腹先做得，以阿侵既為人，怕且都幾難搵人做
作者: :masuk    時間: 2018-3-28 08:13

正所谓:伴君如伴虎。
看川普的表现，觉唔觉得有“君临天下”的感觉？
美国优先首先是老子优先，
于是，顺者昌逆者亡，率性妄为。
白宫人事如轮转当可预期。
作者: das_reich    時間: 2018-3-28 19:00

Brother Masuk : 久違了, 師兄 。 我已在老巢回覆了 師兄的提問, 而有些

奇怪的事, 是好像 師兄沒有閱讀, 老巢內有 bugs 之故 。
作者: :masuk    時間: 2018-3-29 01:13

有劳将军了，谢谢。
其实在老巢我本不抱希望会收到回覆的，
只是为寻回“队伍”到处乱窜才去投石问路。
所以，离开后也没再回头。
作者: das_reich    時間: 2018-3-29 04:03

Brother Masuk : 師兄 客氣了, 那裡、那裡 。 歡迎歸隊 。
作者: 飛毛腿    時間: 2018-3-30 22:30

正所谓:伴君如伴虎。
看川普的表现，觉唔觉得有“君临天下”的感觉？
美国优先首先是老子优先，
于是，顺者 ...
:masuk 發表於 2018-3-28 08:13 AM


現代社會會好 D
大不了炒魷轉工
老床成世人都未做過打工仔
做慣老細，一言堂，我話乜就乜
老味優先係老味人幾十年嚟養成嘅優越感
呢個口號好啱聽
早晌 19世紀，有條法國口水佬吹話老味係與眾不同嘅國家
呢個就係老味例外論 （  American exceptionalism ）

奧巴馬連任演說時話上帝將地球交俾老味管理
奧黑話老味要做地球領袖 100年咁話
其實咪好似床破嘅口號老味優先一樣意思


[attach]2003[/attach]
作者: 飛毛腿    時間: 2018-3-30 22:45

老床係老味歷史上一個傳奇嘅總統， 可能係唯一一個
佢唔係政客，從無從政經驗
未做過州長，未做過國會議員
奧黑都未做過州長，但假假地都做過國會議員
而且奧黑後生， 競選總統時只得四十幾歲
老床競選時已經七十歲
競選對手仲係政治本錢豐厚嘅希拉里阿婆
阿婆做過第一夫人，做過國會議員，做過國務卿，老公係前任總統
無論點秤，阿婆嘅政治資歷贏老床幾條街

但最最神奇嘅係
老床要做總統， 好似唔係有咩抱負，唔係為國為民 ～ 為老味人民服務
雖然把口係咁嗌口號 － Make America Great Again
佢又唔似為錢， 大部份競選經費自己出
做總統唔出糧，唔要薪水咁話
咁為乜 ？
講出嚟好似令人難以置信
君子報仇，十年未晚  ～ 報復奧巴馬呢條黑鬼   
作者: 飛毛腿    時間: 2018-3-30 23:07

本帖最後由 飛毛腿 於 2018-3-31 08:53 編輯

2011年， 奧巴馬晌白宮開一個記者招待晚宴
出席嘅當然有傳霉大袋老細，有記者，有各界名流
竟然邀請埋床破
床破雖然有個錢，但老味度大把財主佬，比床破更有錢嘅富翁排滿成條街都得
咁請埋床破嚟為乜 ？
原來奧黑要借呢個場合玩殘老床，當滿堂賓客面前落佢面玩謝佢

奧黑做乜跟老床咁大仇口 ？
原來奧黑當選之後，老床一直質疑奧黑唔係美國土生土長
指責奧黑其實係晌肯尼亞出世
佢嘅美國出世紙係偽造嘅
當時質疑奧巴馬嘅唔只床破一個
但可能老床成日晌佢主持嘅電視節目咬住奧黑唔放
咬到奧黑無名火起
而老床只係一個地產佬，冇乜政治能量，冇硬後台
雖然老床戲共和黨員，但同共和黨有實力嘅人冇幾深厚交情
奧黑就借機會羞辱下佢， 量你老床都吹我唔脹

奧黑話老床有 D 奇怪癖好
專懷疑埋 D 無厘頭嘅問題，例如老味登陸月球係假嘅。。。。
當然主要係嘲諷佢懷疑奧黑偽造出生證明
奧黑係咁挖苦床破，滿堂賓客就大笑
最後仲要搵個二打六出嚟踩多床破一腳
話聽聞老床打算競選總統，老床呢種冇領導能力嘅人話要選總統就係笑話
老床黑起塊面，鼓埋泡氣，谷到肺都爆
但又點啫， 人哋係現任總統，有權有勢，唔駛俾面你老床

睇下奧黑點樣羞辱老床 ：


[youtube]Ya1Mi9yIJbY[/youtube]
作者: 飛毛腿    時間: 2018-4-7 20:46

床破發晒癲 （表面上）終於要向老中開刀
之前要向進口鋼鋁材料開刀徵關稅
不過，好快就向自己友豁免
例如加拿大丶墨西哥丶袋鼠國同歐盟
只係暫時豁免
想繼續豁免就嚟同老味傾條件
呢招其實係敲竹槓

好似泡菜國咁，跟老味比實在係強弱懸殊
前幾年老味跟泡菜佬簽訂一個韓美自由貿易協定
睇下當時個李命薄去到老味度，要扮小丑討好老味契爺
一個總統有乜嘢尊嚴可言 ：


[attach]2062[/attach]
[attach]2063[/attach]
[attach]2064[/attach]
作者: 飛毛腿    時間: 2018-4-7 21:03

老床上台，對前任奧巴馬所有嘢都睇唔順眼
尤其是咩自由貿易協定
於是無中生有，挑起個鋼鋁材進口問題敲竹槓
泡菜佬死死地氣俾老味契爺撳住嚟揼

床破話咩韓美自由貿易協定係搵老味笨
唔得，要再傾過條款
終於泡菜佬硬啃老味嘅霸王條款
原本條約話每年准許老味汽車進口2.5萬輛
家下改為五萬輛 ～ 係依老味汽車標準，不合泡菜國標準都唔理
原本老味對泡菜產嘅農夫車徵收 25% 出口稅， 到 2021年到期
家下延長 20年 到 2041年
既然泡菜佬屈服，老味可以將臨時豁免嘅鋼鋁關稅轉為永久豁免
但要加一個配額

咩係契約精神 ？
契你條毛 ！
簽咗約可以反悔，我話自己蝕底咗，唔算數
作者: 飛毛腿    時間: 2018-4-7 21:11

本來，日本係老味忠心嘅狗
泡菜佬都可以豁免鋼鋁關稅
日本佬應該有同等待遇先啱

但係，上兩個星期
奧巴馬去日本訪問
安倍請奧巴馬再去食壽司，話大家聚舊喎
呢樣就犯正床破大忌
丟那星， 你唔知白宮今日係邊個揸莊咩 ？   
於是，日本冇得豁免鋼鋁關稅


[attach]2065[/attach]
作者: anakin    時間: 2018-4-11 14:23

https://udn.com/news/story/7331/3078271



擴大開放但不包括美國
作者: 飛毛腿    時間: 2018-4-11 22:35

本帖最後由 飛毛腿 於 2018-4-11 22:36 編輯
擴大開放但不包括美國
anakin 發表於 2018-4-11 02:23 PM


本來想繼續講中美喊打喊殺貿易戰
但前幾日傷風感冒，頭瘟腦脹，冇精神長篇大論發噏風

床破先向鋼鋁材料開刀加關稅
雖然對中國影響輕微，但豁免其他大部人
咁就明顯針對中國
然後老床加碼開炮，宣稱因為知識產權被侵犯，向中國商品徵收 500億美元關稅
老中拋出一個向老味進口產品 30億 加稅項目 ～ 呢個只係回應鋼鋁材部份
隨後再拋出一張清單向老味七類產品中 128 項徵收關稅 ～ 回應 500億加稅
   
床破一聽，暴跳如雷，指令要再向中國商品加收 1000億美元關稅
據講呢個決定係隨口就噏，根本冇同有關官員研究過，向咩商品加稅，後果會點
好多商務部官員根本唔知有呢個決定 ～ 後來聽新聞先知道
老中好似胸有成竹咁，幾小時後就再跟 ～ 另一張清單出爐， 大大都跟你
無論老中外交部，商務部，駐美大使都係咁講 ： 要打貿易戰， 奉陪到底
作者: 飛毛腿    時間: 2018-4-11 22:56

大概上星期，中美貿易戰喊殺聲震天
仍然係鬥出籌碼，老床喊 500億，老中話跟，老床再加碼 1000億，老中再跟
其實未到落實執行階段
但呢段時間，全世界都鴉雀無聲
就好似賭枱上只剩低老中老味兩個對賭
其他國家只願做塘邊鶴，旁觀就算，粒聲唔出

老床有 D 心虛， 可能覺得自己籌碼唔多夠
呼籲其他兄弟幫手圍毆老中 ～ 冇錯，就係你哋， 老歐
於是約老歐嘅德國法國呢個月嚟白宮傾下

老床唔知仲記唔記得舊年去歐盟總部時
對住歐盟主席大鬧德國正衰人

[attach]2076[/attach]

晌 Twitter 話德國佔老味便宜

[attach]2077[/attach]
作者: 飛毛腿    時間: 2018-4-11 23:21

如果老中個市場微不足道， 比如好似印尼丶越南之類咁
咁德法兩國或者會考慮下係咁意吠兩聲，俾下面老味，應酬下敷愆下就算
但只係考慮下而已，因為老床把貿易保護大刀根本就先斬落歐盟度
家下鋼鋁材徵稅只係暫時豁免， 六月後再睇下傾出咩條件再決定係咪永久豁免
老床嘅決策一時一樣，而且通世界去敲詐
歐洲佬防賊咁防佢，話唔定到頭來中國撐得住老味
而老味就狠狠咁一刀斬到歐洲一頸血
但呢個都唔係最主要原因
最主要原因係。。。。

中國係世界第二大經濟體
零售市場已經超過老味
汽車銷售量超過老味 ～ 中國 2888 萬輛， 老味 1724萬輛
全球奢侈品接近三份之一係中國消費者購買
中國出國旅客全年 1.3 億人次
其他數據唔列出嘞
總之，今日老味冇本事養起歐洲，不單止養唔起，仲要拿把刀要去割歐洲嘅肉
你要歐洲得罪最有潛力嘅米飯班主，割自己嘅肉去餵老味
你真係當歐洲佬係弱智 ？
作者: ali    時間: 2018-4-12 17:53

關照自己親生女
床破向中國1300貨品加關稅，服飾貨物冇列入名單內。
佢個女嘅自家品牌全部喺廉價勞工國家地方生產製造，
中國其中之一。
作者: das_reich    時間: 2018-4-12 18:49

本帖最後由 das_reich 於 2018-4-12 19:06 編輯

癲老頭又曬“冷“

借 飛兄此文一用。 那條癲老頭憑 敘利亞的所謂化武“攻擊“

平民事件, 又拉幾條驅逐艦、航母出來去兇人, 其實是 普京 。

看看那條癲老頭這趟會否來真和會否玩出火 。
作者: 飛毛腿    時間: 2018-4-12 22:36

回復 27# ali

原來挪威除咗賣三文魚仲有賣鋼鐵俾老味
但床破就唔將挪威當自己友，唔豁免徵收關稅
挪威女首相好唔 happy

好彩晌中國賣三文魚賣到盆滿缽滿
諗住去中國開千幾間三文魚專門店
   

[attach]2080[/attach]
作者: 飛毛腿    時間: 2018-4-12 23:10

上個月大陰帝國突然發難屈俄羅斯一鑊
有一對前俄羅斯雙面間諜父女晌陰國被施用化學武器暗殺
好彩唔死得
陰國佬乜證據都冇，口糠糠就話一定係俄羅斯主謀策劃嘅
理由就係呢種毒藥係高級軍用化學武器，係蘇聯時代嘅產品
跟住限令俄佬 24小時內作出交代
普京真係唧都唔乜笑 ： 你邊個呀 ？ 限我 24小時內從實招來 ？

限期過後， 陰國決定驅逐俄羅斯外交人員
老味立即將件事玩大佢
老味驅逐 60名俄羅斯外交人員，並關閉西雅圖俄羅斯領事館
啱啱呢個時候正值俄羅斯總統選舉
真係唔知床破係唔係曲線幫普京助選
一鑊又一鑊咁明屈俄佬，俄佬就算係菩薩都起火
辣㷫俄羅斯選民， 只會更上下一心支持普京對西方社會強硬

果然，普京高票當選連任總統
一連任成功， 即刻向西方報復
驅逐同等數量外交人員，關閉老味駐聖彼得堡領事館
老味最叻就拉幫結派打壓對手
於是西方總共有 23個國家一齊行動，驅逐俄羅斯外交官
不過，俄羅斯官員話有 D 歐洲國家被迫表態， 只係象徵式驅逐一兩個
私底下向俄羅斯道歉
最搞笑係新西蘭，寡國小民， 人微言輕， 根本就唔想捲入呢 D跟本國利益無關嘅 無謂糾紛
於是外交部長就話 ： 我都想驅逐俄羅斯間諜， 不過，我哋搵唔到有喎，有的話就一定驅逐
作者: 飛毛腿    時間: 2018-4-12 23:36

陰國對俄羅斯嘅指控係莫須有
最關鍵問題係果兩父女冇死到
咁你等佢哋好轉後再深入調查得唔得 ？
而俄佬最不齒嘅可能係 ： 如果我哋要郁手，佢哋兩個仲有活命嘅可能 ？
攞兩個手無寸鐵嘅人嘅命， 一把槍就搞掂， 冇手尾留低，駛咩用都軍用化學武器俾你哋攞到把柄？

可能指控實在太荒謬
英國國防科技實驗室都唔想孭呢個鑊
話無法證明呢 D 毒劑來自俄羅斯，又話唔一定俄羅斯先可以製造出嚟

呢個就係含蝦燦死吹爛吹嘅所謂西方法治社會嘞
首先莫須有， 有罪推定論 ： 係你做㗎喇，唔會有第二個人做嘅
然后未審先判 ： 你就係兇手，唔會錯㗎喇

事件更戲劇化發展， 中毒間諜兩父女康復
個女打电話俾俄羅斯嘅表姐，話自己好返晒，個老豆過幾日都可以出院
陰國婆阿梅姨若無其事， 面不改容
話將會將兩父女送去老味度，老味度安全呀，佢哋會隱姓埋名，冇人知道佢哋嘅新身份
～ 咁即係從此人間蒸發， 是生是死都冇人知道 ？  
作者: 飛毛腿    時間: 2018-4-12 23:56

睇下，一向被描繪成窮凶極惡，蠻不講理嘅北極熊都俾西方無中生有砌生豬肉
何況被打到家破人亡，變成廢墟嘅敘利亞 ？

每次敘利亞嘅恐怖份子被政府軍圍困，打到走投無路之際
就無厘頭爆出話政府軍出動化學武器
老味就帶頭大吵大鬧，喊打喊殺
證據呢 ？ 證條毛，老味話係就係，唔係都要係
今次一能樣， 照辦煮碗，橋唔怕舊

不過，今次俄羅斯一肚氣，自己已經硬啃幾鑊死貓
床破表面話好 friend 普京，但下手一樣不留情
～ 床破自己俾 FBI 追殺通俄門
床破話 48小時內決定係咪軍事打擊敘利亞
俄羅斯警告話 ： 你夠膽郁手， 我就夠膽做低你

床破最鍾意玩 show hand  ： 吓，大我呀 ？ 我 D 炮大碌又粗又長又準，仲識轉彎，你要我打你幾炮 ？


[attach]2081[/attach]
作者: das_reich    時間: 2018-4-15 03:23

癲老頭又曬“冷“  

借 飛兄此文一用。 那條癲老頭憑 敘利亞的所謂化武“攻擊“

平民事件, 又拉幾條驅 ...
das_reich 發表於 12-4-2018 18:49

哈, 果條癲老頭敢來真, 在當地時間星期六 14號發動了空襲。

彈數就比上一次多了約一倍, 不同的是這趟 陰割 和 法國都

有份參與。 相信 普京暫時不會與 老味直接對撼(其實兩位

都不想直接與對方硬拼), 但相信仍會有好戲等待著上映的 。
作者: 飛毛腿    時間: 2018-4-15 17:28

虛則實之，實則虛之，虛虛實實，鬼神莫測
床破玩到出神入化
先係大喊 ： 北極熊， 準備好喇，我要打你幾炮
於是股市應聲大跌，大家屏息靜氣
第二日， 床破好似啱啱瞓醒咁 ：你哋緊張咩呀？ 我都冇話幾時開炮呀。。。。
於是股市又應聲反彈
你話預先知道床破要噏乜， 一早買空或賣空股市期指
想唔發都難


[attach]2089[/attach]
作者: 飛毛腿    時間: 2018-4-15 17:34

司馬遷 《 史記·楚世家 》

三十五年，楚伐隨。 隨曰 ： 我無罪。 楚曰 ： 我蠻夷也。
作者: 飛毛腿    時間: 2018-4-15 21:54

幾日前，老味製造輿論話敘利亞政府軍使用化學武器
老味要重重教訓一下敘利亞
當時機戰況係政府軍圍困大馬士革郊區嘅東古塔區內反對派武裝
反對派武裝基本上係毫無翻盤機會，一係投降，一係等死
最後雙方講數，政府軍同意反對派放低所有重型武器，帶同家屬走人
俄羅斯開始派憲兵進入東古塔地區接受，並維持治安
就晌呢個時候，「白頭盔」組織放出一段影片，話東古塔區內一個小鎮杜馬鎮，平民被化學武器襲擊

「白頭盔」係一個所謂民間組織，類似咩人權觀察丶戰地志願團體之類
其實係陰國 MI6丶以色列丶 CIA 出錢搞嘅組織，總部晌陰國
呢班躝癱係一班演員
睇下 ：

[attach]2091[/attach]
作者: 飛毛腿    時間: 2018-4-15 22:29

本帖最後由 飛毛腿 於 2018-4-15 23:23 編輯

今次當然唔例外
東古塔地區根本就已經手到拿來，全面收復
政府軍根本冇必要用咩化學武器
不過，現代版指鹿爲馬，事實係咩唔重要，佢哋要嘅係一個借口

俄羅斯透過駐黎巴嫩大使發出警告
話如果西方國家向敘利亞發動襲擊，造成俄羅斯軍事基地有損失或者人員傷亡
俄羅斯將會擊落導彈，並摧毀發射平台
所以有上面床破大噴口水話自己嘅導彈又好又新又智能，叫俄羅斯準備吔導彈
不過，打嘴炮還打嘴炮，第二個講你可以當佢發噏風
但北極熊講嘅話，冇人敢當佢發噏風
隻熊真係有咁嘅能力，亦有咁嘅膽量

昨日射完一輪導彈之後
床破話好滿意呢次枝精準打擊，任務完成
有幾精準 ？
俄佬毫髮無損，腳毛都冇甩一條， 導彈冇向俄軍基地襲擊
據報導早幾日前，俄軍所有艦船駛出軍港，以免受到導彈襲擊
而敘利亞政府軍將軍機全部飛入去俄軍基地，以免受到攻擊

老味嘅參謀長聯席會議主席話，發射導彈前冇事前知會俄羅斯
但法國國防部長就話，事先已經通知俄羅斯
兩個人中有一個講大話 ？或者兩個都冇講大話
老味會話我冇通知俄佬幾點鐘會射導彈，會射幾隻彈同射向邊度
法國佬 ： 我唔知老味有冇通知俄佬，總之我就預早話聲俾俄佬知

於是好多人話呢次就係一齣大龍鳳
大家做場戲，各取所需
只係最悲哀係敘利亞，人哋晌佢哋國土上做戲，導彈橫飛
佢哭訴無門，任人魚肉

敘利亞駐聯合國代表，出席俄羅斯動議譴責老味侵略敘利亞主權前
無奈，無助，孤獨，落寞，悲憤。。。。。。



[attach]2112[/attach]
作者: 飛毛腿    時間: 2018-4-15 23:44

前日， 聯合國禁止化學武器組織 (OPCW) 發表公告
陰國發生果單前俄羅斯雙面間諜父女中毒案
經過瑞士一間獨立化驗室分析毒劑成份，已經有結果出嚟
不過，分析報告冇講呢 D 毒劑係乜嘢
俄羅斯出盡八寶，終於攞到有關呢份分析嘅資料
俄佬話，分析顯示果兩父女中毒情況唔符合陰國指控嘅毒劑 A-234
A-234 係蘇聯時代軍用級神經毒劑
但呢兩父女中毒嘅情況更符合另一種毒劑 BZ 中毒癥狀

BZ 係一種失能性毒劑
可以經呼吸道吸入，亦可以溶於液體中經皮膚吸收而中毒
所謂失能性係令人中樞神經系統功能絮亂
最先開發呢種毒劑嘅正正係老味同陰國
越戰時，老味就多次用於越南戰場


[attach]2113[/attach]
作者: 維圓阿伯    時間: 2018-4-16 15:55

”林芸生”:
【敘利亞化學武器襲擊的規律】

1、每次美軍想撤，阿薩德就搞一次化武襲擊，以盛情力邀美軍留下不走。

2、每次敘利亞政府軍眼看就要贏了，就有化武襲擊出現。

3、每次化武攻擊，從來不用來打仗，專門用來殺平民，專殺女人和小孩。

4、每次使用化武，只隨手用一點點，用完了就算，和軍事行動沒有任何協同。從來不趁敵人中毒混亂，加緊猛攻下某陣地。

5、每次調查是誰幹的最後都不了了之，就是幾張照片或幾段視頻。然後，西方媒體立刻公認是阿薩德幹的。

6、每次照片或視頻中，現場的那些記者、士兵和醫護人員，都無一人身穿防護服裝，周圍也見不到任何防污消毒設備。

7、每次中招都是敘利亞自由軍這樣的「溫和反對派」。打得更狠的ISIS從來就沒吃過毒氣彈，庫爾德人也沒有。

8、每次消息都來源於由那位英國特工一手發起、組建和領導的「白頭盔」組織，或者經「白頭盔」證實。仿佛他們口稱公益救援組織，實際是專業的化武發明組織。
作者: 飛毛腿    時間: 2018-4-18 22:42

有白宮官員爆料
話床破大罵歐洲佬
事情係關於陰國佬自導自演一齣雙面間諜中毒案
老味帶頭驅逐 60個俄羅斯外交官
但歐洲就係咁意應酬下，德國驅逐 4 個咁大把
老床覺得非常唔滿意

睇下，先係一齣漏洞百出嘅雙面間諜中毒案
然係就白頭盔一段短片話咩敘利亞政府使用化學武器
呢套短片更加係兒戲兼搞笑
兩齣鬧劇都係陰國呢條攪屎棍搞出嚟
陰國佬到底想得到咩 ？

陰國佬脫離歐盟
以佢哋今時今日嘅財力國力
根本對歐洲冇乜影響力，遲早被邊緣化
如果將老味拉落水，同俄佬對峙，關係緊張
咁陰國佬晌老味心目中嘅份量就變得重要
話晒陰國晌一班英聯邦國家中有或多或少嘅影響力
一隻狗吠同一大班狗一齊吠，聲勢會大好多

德國默大嬸好似睇穿陰國佬套把戲
佢認為跟俄佬死撐對歐洲冇好處
將中東搞到大亂，對歐洲更百害無一利
家下難民問題已經搞到德國焦頭爛額
再戰火連天，又製造出幾百萬中東難民湧入歐洲，真係喊都無謂
所以今次導彈襲擊敘利亞，默大嬸一早就話唔好預我
作者: anakin    時間: 2018-4-19 10:47

https://www.rt.com/uk/424392-may-husbands-capital-group/


唔怪得咁神心要出兵叙利亞啦…
作者: 無神論狂徒    時間: 2018-4-20 23:20

幾日前，老味製造輿論話敘利亞政府軍使用化學武器
老味要重重教訓一下敘利亞
當時機戰況係政府軍圍困大馬士 ...
飛毛腿 發表於 2018-4-15 21:54


https://www.facebook.com/snopesvideo/videos/1227919500629117/

有呢條片.



歡迎光臨 擺 渡 ※ 空 間 (http://www.seeu.weclub.info/) Powered by Discuz! 7.2