AV 大國 ～ 神話又再破滅
港燦對日本貨真係有近乎宗教咁樣崇拜最近我發覺多咗好多日本水果擺上團購賣
價錢一 D 都唔平
最神奇係有一種日本產嘅奇異果
奇異果本來最出名係紐西蘭，但原產地根本就係中國
晌中國叫做彌猴桃，俾人移植去紐西蘭
可以移植去紐西蘭，當然可以移植去日本 ～ 只要氣候適合
但去咗日本，種出嚟就身價幾倍
然後運嚟鄉港賣，一群崇日含蝦燦當係寶咁
平均十幾蚊港銀一隻奇異果
我都食得起十幾蚊一隻奇異果 ～ 又唔係要每日食十隻八隻，問題係值唔值
其實日本乜叉嘢水果都貴，唔只係奇異果
因為日本耕地少，地方矜貴人工又貴
種糧食都唔夠地方，何況種水果
所以，日本水果唔係有咩特別，只係生產成本昂貴
不過，吹下水，整靚個外觀包裝，咁就可以扮高貴賣高價錢
但有 D 水果，你冇辦法整個外觀，唔理咁多
一樣賣得貴， 例如西瓜
睇下 AV 女神點講 ：
[attach]1347[/attach]
倉井老師去到中國
買一個西瓜只係十幾蚊人仔
佢可能咁大個人都未試過一個人捧住半個西瓜用匙羹嚟食
晌日本，佢食得起都未必捨得咁食
[attach]1348[/attach] 只要係日本貨
崇日含蝦燦見到就兩眼發光
近年好多日本品牌將工廠搬去生產成本低嘅地方
例如中國大陸丶泰國丶馬來西亞。。。。
不過，有 D 品牌仍然有部份晌日本製造
當然，日本製造嘅同樣產品，價錢就貴得多
最搞笑係連出前一丁都有標明日本製造，賣貴一倍以上
你滷味，即食麵都要講究日本製造 ？
戰敗後嘅 50～ 60年代
日本貨幾乎係劣質貨嘅代名詞
～ 19世紀時，德國產品都係咁，陰國佬立一條侮辱性嘅法律
～ 所有輸入陰國嘅德國貨品， 要用雞乸咁大隻字印明 made in Germany
加上日本係侵略戰敗國，神憎鬼厭，個名臭過屎
所以當時松下電器推出海外市場嘅產品，都唔敢用松下個名
閃閃縮縮咁改一個洋氣十足嘅名 National，等人唔多覺係日本貨
不過，埋頭苦幹十幾廿年，日本貨都叫做打咗一個漂亮嘅翻身仗
去到 80年代，日本貨真係如日中天
特別係家庭電器同電子消費產品市場， 俾日本貨雄霸天下咁滯
日本製造係高品質保證呢個神話，就係果時建立
深深地刻晌港燦個心， 直至到今日仍然如此堅信 我呢個標題用 「 神話再破滅 」
因為上次福島核電廠爆鑊，日本佬嘅神話已經破滅
一直以來日本佬被吹為做事嚴謹，細緻慎密，科技水平高不可攀
福島一鑊， 神話破滅
呢次再爆一鑊，直取日本製造業核心 ～ 高品質
高田公司 （ Takata ）
創立於 1933年，總部位於東京
係專門生產汽車安全系統產品
我哋比較熟悉嘅產品例如座位安全帶，安全氣囊。。。
2011年開始，發生十幾單高田生產嘅汽車安全氣囊無厘頭爆裂
不過，冇人因此傷亡，而且晌日本國內，大事可以化小
2015年開始，安全氣囊爆裂造成 6人死亡，百幾人受傷
高田想揞住呢 D 事就難嘞
最大鑊係呢 D 事有 D 發生晌老味契爺度
有把柄俾老味捉住，你唔死都要剝層皮啦
雖然高田召回呢 D 產品補鑊
但安全氣囊異常爆裂事件仍然發生
終於，老味司法部向高田發出刑事檢控，告佢哋刑事欺詐罪
控罪指高田蓄意隱瞞有幾百萬個有缺陷嘅安全氣囊
而且過去 10年，高田內部有系統性咁篡改呢 D 產品嘅安全檢測數據
～ 即係明明唔合格嘅產品， 就改檢測數據話通過安全品質檢測
今年 2月， 高田晌老味聯邦法庭認罪
承認公司故意隱瞞，呢 D有缺陷產品氣體發生器可能會爆炸，爆炸時滾燙嘅金屬碎片會彈射入司機面部 日本水果
多L謝
[url]https://topick.hket.com/article/1655613/AEON%E6%97%A5%E6%9C%AC%E9%A3%9F%E5%93%81%E5%B1%95%20%E6%9C%83%E6%B4%A5%E5%90%8D%E7%89%A9%E5%85%B6%E5%AF%A6%E4%BE%86%E8%87%AA%E7%A6%8F%E5%B3%B6[/url] 我以為老飛講神戶製鋼單嘢 [quote]我以為老飛講神戶製鋼單嘢
[size=2][color=#999999]無神論狂徒 發表於 2017-10-23 18:55[/color] [url=http://seeu.weclub.info/redirect.php?goto=findpost&pid=6849&ptid=484][img]http://seeu.weclub.info/images/common/back.gif[/img][/url][/size][/quote]
我都以為係講神戶制鋼 [b]回復 [url=http://seeu.weclub.info/redirect.php?goto=findpost&pid=6849&ptid=484]5#[/url] [i]無神論狂徒[/i] [/b]
逐步嚟嘛
淨係神鋼一鑊，點可以話神話破滅 高田最初唔肯認衰
一開始就死撐話冇證據證明安全氣囊爆裂係因為產品質量導致
安全氣囊唔同其他產品，唔係單獨一件產品出售
安全氣囊係安裝咗晌架車內
要回收產品就要人哋揸架車返車廠更換氣囊
咁就大很鑊嘞，淨係老味度已經有幾千萬架車安裝咗高田嘅安全氣囊
仲係各種不同牌子嘅汽車
要全部召回檢查更換，會涉及天文數字
起初，本田汽車都撐高田，認同冇直接證據證明安全氣囊因為質量缺陷而爆裂
～ 因為要召回架車，本田都好頭痕
但事故繼續出現，本田都唔敢多聲氣，費事拿屎上身
老味調查員話分析具體線索後，確定有 1900萬架新車，2300萬個安全氣囊有缺陷問題
老味交通部指責高田，由 2009年開始高田一直誤導丶欺騙交通部嘅調查工作
～～ 我總覺得老味居心不良，唔係點會俾一間公司誤導欺騙 8丶9年都唔出聲 ？
本田即刻轉軚踩高田，話本田接到嘅係高田錯誤丶篡改嘅某 D 安全氣囊測試數據 ～ 唔關本田事
於是老味聯邦政府先閹高田一筆 － 開出 7000萬美元罰單
下令 2019年之前要全部召回可能有問題嘅安全氣囊 ～ 估計涉及 8500萬個氣囊
聯邦政府閹完，但刑事控訴條罪仲未完
好彩，或者唔好彩，老味度有錢就可以消災
高田認罪，同檢察官達成協議，用 10億美元刑事罰金甩身
不過，高田安全氣囊事故晌老味度造成 11人死亡， 幾十人受傷
跟尾一堆民事索償睇怕可能億億聲美元賠償
仲有，召回以千萬計汽車檢查更換氣囊，又係天文數字
高田點頂得順 ？
所以，摺咗間公司好過， 高田晌老味嘅附屬公司首先申請破產保護令
然後東京嘅總公司又申請破產
八十幾年老店就咁含包散 神戶製鋼單嘢新鮮熱辣，你哋都知道
我就唔駛講得咁詳細
不過，神鋼呢鑊嘢完全曝露出日本佬其實同大陸佬嘅三鹿奶粉一樣
完全冇咩誠信可言
只係日本佬發達之後，見高拜嘅含蝦燦吹捧日本佬點樣講信用丶有職業道德丶有企業良心丶有誠信 ……. 嗱
起初，神鋼仲辯護話只係某一種產品出問題
雖然佢哋更改產品數據 （ 造假 ），但仍然符合日本工業標準 （ JIS）
點知過幾日，俾人揭發出神鋼造假嘅產品越嚟越多，由鋁製品丶銅製品擴散到鐵粉丶液晶屏幕嘅合金材料
而且根本唔符合日本工業標準
唔似高田嘅產品咁單一，神鋼產品涉及嘅產品各式各樣都有
主要大車廠故然中招 ～ 通用汽車丶福特丶Tesla丶勞斯萊斯丶標緻 ….
仲連波音飛機丶歐洲 Airbus 都有份，日本自己嘅企業更加不在話下，火車丶新幹線丶客機丶衛星等包羅萬有
到今日估計受牽連嘅企業可能有 500 間
1905年創辦， 百年老店
日本第三大製鋼廠，信譽昭著，品質嘅保證喎 {:10_475:}
生意越大，客戶越多，爆起鑊嚟，牽連越廣
起初話神鋼有組織有系統咁偽造產品質量數據已經有 10年
但最新消息，傳霉話有神鋼嘅老員工指出 70年代已經係咁做
當時好多不達客戶要求標準嘅鋁板，上頭話 「特別採用」就得嘞，據聞係改過檢查合格証就可以出貨
另一個老伙計話 ： 鋼鐵製品數據造假至少有卅幾年，一批產品做完品質檢查後，只要有一部份合格，咁就可以全部出貨
真係一沉百踩，破鼓萬人捶 [quote]日本水果
多L謝
[size=2][color=#999999]manw0ng 發表於 2017-10-23 12:05 PM[/color] [url=http://seeu.weclub.info/redirect.php?goto=findpost&pid=6848&ptid=484][img]http://seeu.weclub.info/images/common/back.gif[/img][/url][/size][/quote]
我都覺得有 D 蹊蹺
日本一向唔係農業大國
佢自產嘅農產品都唔夠自己食
近兩三年，見鄉港團購多咗好多各式各樣嘅日本水果賣
可能受過輻射沐浴
D 水果快高長大，大豐收 :funk:
[attach]1351[/attach] 昨日新聞話英國新落地地鐵上演水舞間，懷疑神鋼有份供應表演物資。
溫高列車出軌，死咗好多人，國際好多媒體話中國高鐵豆腐渣，而事實上果單嘢係動車出軌。同高鐵技術不同。暫時大陸高鐵未出過咩大鑊嘢。
印度有網民質疑日本幫印度建高鐵貴過中國幫泰國建嘅高鐵。就有印度網民撲出嚟辯護話中國高鐵劣質不可靠云云。 [quote]我都覺得有 D 蹊蹺
日本一向唔係農業大國
佢自產嘅農產品都唔夠自己食
近兩三年，見鄉港團購多咗好多各 ...
[size=2][color=#999999]飛毛腿 發表於 2017-10-23 22:35[/color] [url=http://seeu.weclub.info/redirect.php?goto=findpost&pid=6854&ptid=484][img]http://seeu.weclub.info/images/common/back.gif[/img][/url][/size][/quote]
唔怪得老倭啲女優咁勁。原來係浸輻射水。 其實日本大企業造假唔係罕有
只不過鄉港傳霉選擇性失明，詐睇唔到呢類新聞或者非常低調報導下
換著係大陸產品出問題，傳霉好似執到大能咁興奮
好似三鹿奶粉咁，頭版頭條大鑼大鼓咁唱
含蝦燦炒作到今日仍然攞嚟唱
日本北海道朱古力製造商 「石屋製果」，將食品食用期限由四個月改為半年
咁樣造假嘅產品食用期足足運作咗 11年
一間著名糕餅店「赤福」將賣唔晒嘅糕餅放入急凍櫃
接到新訂單之後攞返 D 過期糕餅出嚟，重新包裝用新嘅食用保質期出貨
百年老店不二家蛋糕店，長期用過期雞蛋牛奶製作忌廉泡芙，食得唔好嘥
CoCo 一番屋將 D 過期雞肉交俾食物回收商，回收商執執佢就轉賣俾其他食品商
～ 其實就好似地溝油咁
講開又講，地溝油其實係日本首先 「發明」，再傳去呆灣
其他食品醜聞例如雪印牛奶，三笠食品集團毒大米事件，東京麥當勞出售過期沙律丶奶昔。。。
總之，保證顛覆你對日本食品安全神話嘅迷信
[attach]1354[/attach]
[attach]1355[/attach] 舊年嘅事之嘛
三菱汽車為咗吹自己四款輕型車點樣慳油，點樣高效益
將汽車行駛阻力丶燃油效益比等數據篡改
造到 D數據靚靚， 好似好慳油咁
其實係假數據
不過，造成呢個現象，一部份責任係制度問題
日本嘅制度係政府交通部門依賴廠商自己申報嘅數據
可以講政府闊佬懶理，你報乜就信乜
後尾三菱承認，造假數據可以攞到政府環保政策定下嘅最高級別免稅額
呢次爆鑊， 好彩好似只係日本國內銷售嘅輕型慳油小型車
如果賣咗去老味契爺度，三菱真係唔死都一身潺 :L
雖然係咁，三菱嘅聲譽大受打擊，股價急瀉
日產汽車當機立斷，趁火打劫，低價狂吸三菱股票
日產成為三菱大股東，可以影響三菱決策
日產可以吞併三菱嘅市場
[attach]1356[/attach] 剃人頭者，人亦剃其頭
上星期，日產汽車被揭發生產部門嘅質檢人員 （ QC） 係流料
呢 D 質檢員根本冇受過專業訓練， 冇資格做質檢員
由一 D 冇資格嘅 二打六去檢驗汽車質量，發出合格證明
仲有，簽發合格證明嘅圖章係仿刻公章 ～ 自己出街雕嘅圖章
據講呢種做法係日本汽車行內公開嘅秘密
NHK 報導日產咁樣質檢造假最少已經 20年
於是日本政府下令日產晌日本國內所有生產基地停工，接受檢查
日產國內用新車暫停出廠
但出口用新車不受限制 ～ 含蝦燦可以有日產新車用 ;P 晌日本，無論幾大鑊嘅嘢
都可以鞠躬就解決
如果一鞠躬解決唔到， 再鞠躬
再鞠躬都唔得 ？ :o
咁就三鞠躬。。。。
謝禮
[attach]1358[/attach]
[attach]1359[/attach] 以平價貨摻入高貴貨中，魚目混珠
晌鄉港傳霉篩選過嘅新聞中，呢種新聞好似只會係大陸先會發生 ～ 含蝦燦係咁認為
但紀律嚴謹又誠信嘅日本人，品質有保證嘅日本貨會唔會有呢種情況 ？
鄉港傳霉嘅報導中係冇嘅，但事實係 ：
大陸平價米攙入日本本土米
～ 不過，大陸東北米根本同日本米係一樣嘅粳米，即係較圓較短所謂珍珠米一類
～ 唔係日本米有咩特別，只係產量比大陸少得多，成本貴
外表難分別，食落差唔多，但大陸米來貨價平得多，所以 ：
[attach]1369[/attach]
[attach]1368[/attach] 遲下地溝油。鋁重金屬天婦羅
人造奶粉
會揭出嚟。
地溝油本來係日本人發明。台灣發揚光大。响中國 被揭發。
我唔信日本本土唔月地溝油。我肯定有。問題係有幾嚴重。 [i=s] 本帖最後由 飛毛腿 於 2017-10-29 22:27 編輯 [/i]
有一單嘢又係丟架到冇人有
只不過同大陸無關，鄉港傳霉冇乜興趣炒作
2013年7月，一艘貨櫃船 MOL Comfort 號，載滿貨櫃駛去非洲
船去到亞丁灣，無大風大浪情況下無厘頭斷開兩截
先後沉沒，船上貨櫃全部或沉沒或丟失
好彩，船上人員全部被救
冇人命損失
[attach]1432[/attach]
[attach]1431[/attach] [i=s] 本帖最後由 飛毛腿 於 2017-10-29 22:51 編輯 [/i]
呢隻貨櫃船船東係三井公司
隻船嘅製造商係三菱
於是兩間日本公司狗咬狗骨
日本船級社調查隻船點解無端端斷開兩截
調查報告話呢隻船同三菱其同系列姐妹船比起其他貨櫃船
船體強度較差
呢隻MOL Comfort 同三菱嘅姐妹船，船體構造容易扭曲塌陷
～ 呢 D 就係豆腐渣工程嘞
只不過隻船沉咗落亞丁灣海底，搜集證據變得好困難
三菱就話唔係隻船構造有問題
而係 D 貨櫃擺放唔規範，重量分配唔均勻造成頭重尾輕或者尾重頭輕
船東三井反駁三菱係無稽之談
佢哋隻船有申報載箱量同實際載重量
呢 D 重量唔會造成隻船斷開兩截
三井要求三菱因為隻船建造質量有缺陷，同埋隻船設計有問題造成今次事件負責
三菱要賠償俾三井今次損失達 1.3 億美元
三菱話賠條卵俾你，拒絕承擔任何責任
三菱話自己隻船完全符合法規去建造，質量冇問題，出事原因係三井管理出問題
於是三井就起訴三菱，民事索償